終於搵到工喇!!

hehe~~~~~~~~~~~~, 我星期六返工喇!!

今日去見工, 個老闆問我幾時返得工, 基於我聽日要返學校考試, 咁我咪話星期六囉, 佢就叫我星期六返喇, 哈~~~~~~~~

係寵物店離既, 返12點放夜晚10點, 返工時間簡直一流呀, 連太后都話岩晒我, 哈~~~~~~~~~, 暫時都未知幾時有假放架, 唔理得咁多喇, 有人請就乜都做啦, 仲係要寵物店添, 岩晒心水呀, 呵~~~~~~~~~~

個老闆話, 呢度冇話邊個負責d 乜野既, 總之見到野就做, 因為佢全部員工都係自己屋企人..............., 除左我之外!!

佢有兩間鋪, 話邊間唔夠人就去邊間, 雖然唔係d 咩大既連鎖店, 但都有佢既好處既, 起碼細鋪, 我乜都學到先丫!!

而且............, 佢個人工都ok 添呀!! 雖然係冇做文員咁高人工, 但係, 對於做寵物美容學徒離講, 佢算係好架喇!! 我除左d 基本野之外, 可以話乜都唔識喎, 同埋就算剪毛, 都比熟手既慢好多啦, 哈~~~~~~~~~~

希望學到野, 同工作順利啦!!