半謝了皮

今日第一日返工, 發覺.................., 上堂學既, 同實際運用, 有幾大既分別 !!

今日一返到去, 就放隻注場既西摩屙尿尿同臭臭, 跟住就幫d 狗籠做清潔, 過左一陣, 就有客到喇, 佢係一隻史納莎!!

第一件事就幫佢剪腳甲, 老闆覺得我慢...................., 好彩, 佢都體量, 佢亦都好清楚咁同我講, 話係學校學既野, 同實際出離做係唔同, 叫我邊做邊學, 有唔明就問!!

經過一輪之後, 幫隻史納莎沖完白白吹完毛, 就交由老闆個女幫佢剪裝喇, 我就企係側邊睇, 想偷師嘛, 哈~~~~~~

接落離既, 就係迷你牧羊, 曲架, 最後亦係最攞命既, 就係隻西摩 =.=

最難搞既係隻西摩, 淨係幫佢淋濕個身, 已經要用好多時間, 幫佢吹毛就更加唔洗講啦, 吹足一個鐘呀, 到我差唔多搞掂既時候, 隻西摩無端端瀨尿....................

到搞掂d 狗狗之後, 都已經九點, 哈~~~~~~~~~~~~

收工前, 都係做返開工前既野, 即放狗同清狗籠, 仲要餵糧

好彩, 老闆們都幾好人, 冇野做既時候, 就叫我坐下, 幾時肚餓就幾時叫野食, 完全唔洗等, 哈~~~~~~~~~~

最好既係..................., 冇野做既時候, 可以去廁所食下煙添!!!

雖然今日都冇乜點停過手, 不過都ok 既, 未至於攰到想死, 只係半謝皮啫, 哈~~~~~~~

聽日要繼續努力喇, 暫定逢星期二放假!!