良心與金錢

我今日辭左職.......................

做左兩日就辭職, 真係我人生中既一個record 呀!!

辭職係因為........................, 我過唔到自己果關呀!!

其他人聽起離, 可能會覺得我捱唔到苦, 冇做野咁耐, 個人懶左, 突然間要返工, 更係會唔慣, 咁咪唔做囉!!

老實講, 返呢兩日工, 無可否認係攰既, 但未攰到唔想返工囉!!

辭職係因為我一路返工, 一路覺得好唔安樂, 因為鋪頭既行為, 令到我覺得好違背良心, 雖然我明白到, 做生意有做生意既一套, 返學學既, 同實戰係好唔同!!

但係..............., 我覺得, 我每返一日工, 所賺既, 好似係污糟錢咁囉!!

我同miss 都傾過, 係唔係間間寵物店都係咁, miss 話晒有好多實戰既經驗, 佢都話有好多寵物店既做法都係咁, 但我做緊果間, 似乎過份左d.................

我咁講, 係因為我想搵support, 但實際上, 我真係做得唔開心囉!!

當然間鋪並唔係因為求其, 而導致我唔做啦, 其實仲有其他野既, 我唔期望佢任何野以狗狗行先, 但最起碼既, 應該以佢安全為首要囉!!