重遇....................

今日下午, 同左個住沙田既同學仔, 橫掃沙田既寵物店, 睇下人地請唔請人, 哈~~~~~~~~~, 可惜係搵唔到既!!

最後, 我地係田心村分手, 我就行左去舊居新翠村, 係超巿行左個圈, 就諗住搭車返屋企, 就係行去巴士站途中, 俾我見返一個小學同學呀!!

話時話, 都有成十幾年冇見喇, 但係, 一見返, 感覺完全唔陌生呀!!

我地就係街邊傾下近況, 傾下講下笑下咁, 話時快就一個鐘喇, 哈~~~~~~~~~~~~

其實咁多年, 大家都冇聯絡, 因為都失去左聯絡方法喇, 最鍾意見返d 舊朋友, 當然要以往感情幾好啦!!

同舊朋友就係有種好, 好多野唔洗重新建立, 可以好自我地釋放自己, 哈~~~~~~~~~~

我地已經交換返個電話喇, 希望以後會keep 住聯絡啦

人大左, 可以交心既朋友唔多, 難得重遇, 感覺良好, 心情都好d 呀!!