失落................

今朝開開心心咁帶波豬返鋪頭, 計劃幫佢沖涼同剪毛, 只係剪個頭, 等佢唔好生意失敗, 又唔想幫佢紮噴泉, 佢又唔舒服, 我又覺麻煩

沖涼前要做一輪準備功夫, 其實都冇問題既, 但係波豬就特別唔聽我話囉, 唉~~~~~~~~~~, 癲左咁郁來郁去, 上次帶佢返學校實習既時候已經係咁, 今次帶佢返鋪頭又係咁, 明明以前幫波豬扮靚靚個姐姐話佢好乖架喎!! 咁即係明恰我啫.........

沖完涼, 吹完毛之後, 心情已經好差喇 =.=

覺得自己好失敗, 連自己隻狗都控制唔到, 平時做客果d 狗既時候就冇問題, 偏偏自己果隻就搞唔掂 =.=

本來吹完毛就應該順勢剪埋既, 不過自己心情差, 同埋冇理由全日搞自己隻狗, 雖然今日鋪頭冇乜生意啫, 但係都有大把野要執架!! 所以就掉左波豬入籠, 我就係鋪面度執執執, 同埋想令自己平伏返d.........................

執完一輪都差唔多九點, 咁我就入返美容房, 諗住開始剪波豬, 唉~~~~~~~~~~~, 一剪, 就更加有錯敗感, 好似剪來剪去都剪唔到咁, 就算剪左, 都係醜樣果隻..................

好在個美容師好, 冇袖手旁觀, 都係佢剪一邊頭, 留返另一邊等我剪, 同埋佢有講, 我應該要點樣剪囉, 玩左兩個鐘, 最後都係成功既, 但係未剪好晒, 因為唔想太夜走, 係就係剪到, 但係錯敗感冇離開到我囉, 我依然覺得自己好失敗, 嗚~~~~~~~~~~~