網誌分類：事 |
圖片
網誌日期：2008-02-15 15:19
呢個新年好似特別長咁呀. 食咗3餐團年飯, 初一由朝食到晚, 食到個人都呆呆地. 唔知點解呢排屋企好大塵, 今日吸完塵, 第二日又已經滿地塵, 最明顯係個電視, 朝早抹完, 夜晚又舖哂塵, 所以呢段期間最忙嘅係清潔. 加上天氣凍, 出街嘅時候要著好多衫, 又厚又重, 攪到周身骨痛添.
相中嘅百合花靚嗎? 舊年新年時係花墟偶然見到, 叫"黃天霸", 個名好勁呀! 開花嘅時候成屋都充滿香氣, D花又大又靚. 今年冇時間去花墟, 最後係荃灣花市其中一檔搵到, 真係得一檔有得賣咋, $50一支, 好似同舊年差唔多價錢.
星期六仲有人黎拜年, 之後就可以真正身心都休息喇.
呢段期間冇睇過留言, 雖然遲咗少少, 祝各位BLOG友新年快樂, 身體健康, 笑口常開!
