四年沒見, 一見就去蒲

星期五晚, 好開心吖!

因為同咗班舊同事去食buffet, 都成四年無見啦.

能夠促成今次見面, 都可以要多謝facebook,

因為有一晚, 我一時興起用e-mail搜尋朋友, 竟然俾我搵番班舊同事.

就係咁, 一於要出黎聚吓先.

今次就去佐敦既龍堡賓館度食, 貪佢平靚正嘛~~~~

一坐低, 梗係要整返碟生蠔周長腳蟹啦!

好肥美的生蠔啊! (而且係源源不斷供應, 唔使同人爭)

            好似滿四個人, 就可以滾添!!!!

係時候要食d 熟野啦,

(都食咗7隻生蠔同3件長腳蟹lu.)

                         滾野既料

               不過魚生就少咗d揀

                食呀, 食呀, 食呀,

 熱櫃

                          沙律吧

又攞一大碟返黎啦.........

       同事攞返黎的甜品, 賣相好吸引喎~~~~~

                    二月之星

係時候巡有甜品啦.

    第一轉.  (個麵包布甸又整得幾有水準喎!!!!)

咁難得一聚, 梗係要做一呢件事啦---大合照

              我又攞第二轉甜品啦!!!

呢個朱古力mousse好正, 外型心形經夠吸引, 個朱古力味好濃, 到走時都仲有朱古力味留係個口添.

正~正~正~

望出去的大堂, 都幾靚架.

食完, 我梗係仲有下場啦, 點會咁早返屋企吖,

去咗尖咀既華懋度睇11:50個埸既----保持愛你

估唔到華懋而家變得幾靚喎.

嘩! 保持愛你, 又真係幾好睇, 有幾埸仲會睇到眼濕濕, 仲重係好多都中我, 係咁叮叮聲....