......大樹菠蘿......笑死我喇!!

今日, 我想同大家講d好笑嘢...

話說上星期三, 我細佬放假, 佢出去買早餐嘅時候發現一隻疑似動物嘅嘢, 捲埋一團o係草叢. 返屋企後, 佢好驚咁同mom匯報, mom都好驚啦.

到咗第二日, mom出街, 佢都發現o個團嘢喎. 佢同我哋講話隻嘢係狐狸, 嘩! Dad仲話佢有頭有尾tim...

好喇, 一個星期後嘅今日, 我終於留意到佢哋所講嘅物體...風又打埋喇, 團嘢依然o係度, 好似刺蝟...我哋就懷疑佢die咗.

我返到公司, 打電話俾食環署, 同佢講發現疑似刺蝟屍體嘅事, 仲留低咗所在位置同手提電話俾佢跟進. 

到lunch時, 食環署嘅工人打電話俾我, 話佢揸車到咗附近, 問我exactly嘅位置, 我同佢講啦, 佢就到咗喇......跟住...個工人問我, 係咪一團有d刺嘅嘢呀, 我話係呀...唔夠一秒, 個男人忍唔住, 笑住咁話, 刺蝟...唔係咁喎, d針會仲長d...呢個...係大樹菠蘿殼...

我形容多一次俾佢聽啦, 佢話係呀....真係唔係動物...只係大樹菠蘿殼....

我打電話俾mom, 佢話叫我clarify多一次位置俾個工人聽, 今次係個呀姐聽, 佢話o個團唔係動物, 係大樹菠蘿殼, 佢已經用勾反轉佢睇個, 叫我唔使驚. 我同佢講, 係我d屋企人話佢有頭有尾, 好似動物, 我哋又唔敢摸, 唔好意思呀...個呀姐話唔緊要, 話唔係動物呀, 真係唔使驚. 

我打電話返屋企同mom講番, 佢笑死啦. 到頭先同dad同細佬講, 佢哋都笑傻咗...

唉, 浪費人力物力, 去睇一個大樹菠蘿殼...