變態兩公婆

真係世界上無奇不有  上星期五屋苑樓下投票改唔改養狗條例 , 大比數輸左  條例唔改 , 要打官司  尋晚同哥哥 & 佢 d friend 係樓下傾計 , 撞到某個業主立案法團既委員 , 先知之前錯怪左養狗果班人 , 以為果班人係無養狗 , 係度 be lee 巴啦 , 點知原來果 2 公婆先係 pk , 簡直用賤格黎形容佢 2 個 , 原來係佢 2 個迫立案法團出信比 d 狗主 , 係 d 2 公婆扇動既 佢 2 公婆好興係屋企用望遠鏡望入人地 d 屋入面 , 睇下人地有冇養狗 , 有就投訴 , 駛唔駛咁變態呀  傾傾下先知 , 原來告法團果個單位 , 唔係個業主告 , 係業主個仔告 , 開頭以為打 lee d 官司 , 駛十零廿萬就  ok  , 點知原來唔止  有 d case 打到高等法院 , 閒閒地要百幾 - 幾百萬 而之前又有單咁既 case , 雙方願意和解 , 點知和解費用各要比 50 萬 , 仲未計堂數果 d 費用 , 閒閒地打官司玩一玩 , 咁就幾百萬  真係有錢人既玩意 ~~ 就算有美孚新村既按例 , 狗主勝算既機會都唔高 , 因為我家屋苑始終係居屋 , 並唔係私家樓 , 所以打贏既機會率唔高  政府或多或小會插手 , 不過輸贏都唔太關我事了 , 如果 money 投胎返黎搵番我同哥哥 , 我就肯定會決定搬家 , 搬去有得養狗既屋苑  等 money 光明正大咁出出入入  

ps. 其實法團 07 年都有講過 , 如果 07 年養開既狗 , 就可以繼續養到終老 , 但往往有 d 狗主 , 隻狗 c 左第 2 日又買返隻返黎 , 所以法團話打完 d 單官司後 , 會強制 d 業主幫隻狗植晶片 , 同埋會買 check 晶片既機返黎 , 等 d 狗主唔可以偷龍轉鳳 

唉~~~~ 養狗要養到咁 , 情願搬唔 q 住 d 度 , 懶巴閉咁  垃圾屋苑 , 如果唔係而家想懷念記念同 money 生活既回憶 , 老 q 早搬 , 懶巴巴閉閉咁

不過針亦無 2 頭利 , 有 d 養狗既狗主 , 的確好唔負責任 , 搞到有責任果 d 都被連累 , 明明自己隻狗痾左 , 尿可以用水沖架者 , 屎更加可以執 , 但往往有 d 無良既狗主 , 隻狗痾完都當睇唔到  , 所以咪搞到今時今日咁既田地囉