旅行

尋晚哥哥同我講 , 餅餅話新年去旅行  e.... 咁好 , 又去旅行  跟住哥哥話 3 個選擇

1. 韓國滑雪  2. 沙巴 * 肯定睇得富貴門多 *   3. 海南島

但之後講 ....... 不過唔想去咁凍既地方 , 唔想帶咁多野 " 衫 " 因為帶相機各樣已經夠重 , 咁即係唔駛諗韓國滑雪啦 只得沙巴同海南島揀啦 , 不過諗諗下關我咩事呢   仲咩同我講 , 餅餅同 mandy 去旅行 , 同我講做乜  佢地屋企又無養小動物 , 唔駛我地幫佢睇住喎  最後哥哥話新年我地同餅餅 mandy 一齊去旅行  

吓~~~~ 去旅行  唔知點解話有埋我份去旅行   我無開心既心情者 , 點解會咁架呢  雖則咁大個女都係去過 3 次旅行咁大把 , 最遠去既地方係今年 3 月既日本 , 最近就係澳門 , 往往而家一提起旅行都無好大好開心既反應 , 奇怪奇怪  

可能日本之旅令我有點遺憾 , 所以旅行暫時對我黎講 , 興趣不大 ~~~ 果次返大陸 dup 骨 , 成晚都唔係點訓得著 , 可能我仲記掛住妳

我知妳好想我開心咁笑 , 盡情咁玩 , 比 dd 時間我吧