給至愛的 money ( 道別1 個月零 19 日 )

My love Money :
 
Money 早晨   money 姐姐今個禮拜好叻女呀 , 到暫時 d 一刻 , 我望妳 d 相已經無再咁傷感啦   姐姐亦慢慢接受到屋企既零靜 , 雖然再聽唔到妳既吠聲  妳既呼吸聲 , 妳既一切一切 ~~~~ 姐姐會好努力咁學會接受 , money , 姐姐好記得妳細個被媽媽打時 , 妳擘大個口 , 發出果 d " 呀呀呀呀 " 聲 , 姐姐 lee 世都唔會忘記  妳痛時會發出獨特既叫聲 , 姐姐仲好記得 , 有時姐姐發雞盲踩到妳 , 妳就擘大個口嗌痛 , 往往聽到妳嗌第 1 聲 , 我都嚇到即刻彈開 , money 真係好對唔住   但這一切都係妳留給我既回憶

money ~~~ 姐姐夜欄人靜時諗  其實我都係一個無咩愛心同責任心既主人 , 其實姐姐本身個人勁懶 只係舊時妳在時 , 姐姐係迫於無奈低下.........懶勤力咁清潔 , 而妳離去 , 姐姐完完全全咁 hea 爆  莫講話掃地清潔 , 連衫我都唔願洗  不過妳放心 , 妳而家訓既地方 , 姐姐都會用掃掃清潔 , 唔會要妳做 dirty 豬  姐姐亦要開始乖乖咁做番一個懶清潔既姐姐 , 唔係妳哥哥肯定 " 拍 " 我走都似  

money ~~~ 妳記住 , 妳捲土重來之日 , 姐姐哥哥會更加更加更加愛妳 , 知道嘛  姐姐好樂意妳整污穢撻地地 , 比工夫姐姐做餐死  記得快 d 返黎我地齊齊夾攻哥哥 , 等哥哥係屋企無話事權 , 知道嘛

永遠都係咁愛妳既姐姐上