給至愛的 money ( 道別第 21 天 )

My love Money :

Money , 早晨   姐姐尋晚好乖 , 無再喊啦 , 妳唔駛擔心我  姐姐亦好乖有自動自覺食 dinner , 無再唔食飯咁曳豬啦  係呀 , 姐姐睇到 pug 之堡團購 cushion 同抱枕 , 姐姐會幫妳做番 d 留為記念 , 姐姐亦構思到個抱枕用妳邊張相  就係用妳訓係大床上咀 " 妙妙 " 個樣 , 等姐姐一攬妳 , 妳就咀 " 妙妙 "  諗起都開心  而 cushion 姐姐會做 2 個 , 但妳哥哥話姐姐駛唔駛整咁多 , 梗係要啦 , 妳係姐姐既心肝寶貝喎  跟住妳哥哥竟然話姐姐痴線  話整到成屋每個角落都有妳既野  有幾多喎 , 廳同房既牆全部貼晒妳 d 相之嘛 ~~~ cushion 就放廳 , 抱枕唔駛講一定放大床 , 姐姐要幫妳霸番個位 , 踢哥哥落床  而家廳幅牆姐姐開始進駐妳 d 相 , 尋晚我聽到哥哥同餅餅講姐姐壞話 , 不過盡情講啦   姐姐係唔會理架  我鍾意貼貼貼貼貼貼貼  哥哥話姐姐再咁 , 遲 d 一定會痴線   我就答妳哥哥 : 已經痴左啦  唔駛等遲 d

money ~~ 姐姐尋晚發夢夢見妳 , 雖然已經忘記左個夢既情節 , 但好高興終於第 1 次夢到 money 妳  money >o<

money ~~ 姐姐每晚同妳講既野 , 希望妳收到啦 , 記住記住 , 知道無

永遠都係咁愛妳既姐姐上