給至愛的 money ( 道別1 個月零 2 日 )

My love Money :
 
Money 早晨   好對唔住呀 , 姐姐尋日無寫信信比妳 , 希望妳唔好嬲姐姐啦  姐姐並唔係過左 1 個月就忘記左妳   我知妳好乖會體諒姐姐的  money , 尋日本身姐姐話早 d 起身 , 同哥哥出花墟買花花送比妳 , 但屋企部腦唔生性...... 搞到哥哥前晚通頂搶修 , 所以尋日好晏先出花墟買花花送比妳 , 希望妳唔介意啦   money ~~ 姐姐為表記念妳離開第 1 個月 , 本身想買 " 無忘我 " 既花花送比妳 , 但 " 無忘我 " 係配襯花 , 所以最終姐姐哥哥揀左 " 康乃馨 " 送比妳 , 我地揀左粉紅 + 黃色 , 好 colourful 架 ~~妳尋日應該都睇到...... 係咪 但姐姐都想影低 ..... 但前排支閃光燈成日對唔到焦 , 哥哥拎左去毒氣室維修 , 應該今日會送返比我地 , 哥哥話收到後會幫姐姐影低 

money ~~ 姐姐決定每個月 21 號都送扎花花比妳 , 代表姐姐同哥哥對妳既掛念  好唔好

money ~~ 尋晚姐姐飛奔返屋企 , 睇 7 點 7 既鏗鏘集 , 今輯講關於狗狗貓貓既 , 姐姐睇到訪問既男主人養果隻八哥一星期 , 因病醫唔番... 短短生命就咁就結束.... 真係......姐姐睇到 d 幕都眼濕濕  諗起 money bb 妳...... 其實我覺得繁殖場果個講得好岩 , 淨收緊對管理繁殖場外 , 私人繁殖果 d 都應該列入範圍   (  但應該都好難 ) 最憎果 d 口口聲聲話愛狗 , 自己就不停為自己養果 d 狗配種 , 然後拎 d bb 去賣 , 簡直當 d 動物係佢地生錢既工具  極可恥......

money ~~ 之前話哥哥訂左樣野送比妳 , 但姐姐哥哥都仲未搵到合適既野比製作人  希望我同哥哥盡快 , 果樣野唔駛拖到聖誕先有啦  

money ~~ 尋晚我同哥哥係屋企打邊爐 , 食飽飽我地望住妳 d 相諗起 money 妳 ~~ 記得每次我地係企打邊爐 , 妳都會坐定定係 sofa 等食  到姐姐行開位 , 妳就 9 秒 9 跳上張櫈上面睇下有咩食 ...... 諗起都覺得好搞笑...... 雖然妳已走 , 但我地永遠都唔會忘記 , 妳為食既樣

永遠都係咁愛妳既姐姐哥哥上  miss and love you forever