給至愛的 money ( 道別第 12 天 )

My love Money :

Money , I am sorry  姐姐尋日無寫信信比妳 , 並唔係姐姐已經忘記左妳 , 請妳願諒姐姐  哥哥見姐姐為左妳既事 , 心情大起大落 , 所以約埋朋友同姐姐上大陸玩番晚 , 到尋日徬晚先返到屋企 , 所以寫唔切信信比妳 , 好對唔住   但姐姐應承妳既事 , 姐姐無講大話 , 妳知架 , 姐姐同哥哥尋晚終於合力拆番晒 d 相相 , 重新貼過 , 而姐姐星期 6 買既薑花 , 尋晚返到黎都見開得好靚 , 成間屋香噴噴 , 妳應該聞到 , 是嗎  money , 姐姐無忘記過妳 , 前晚姐姐身在大陸 , 但個心依然好掛住妳 , 傻豬仔 , 姐姐雖然好想好想放低妳離去既事實 , 但姐姐每到夜欄人靜既時候 , 就好不其然咁諗起妳既點點滴滴 , 而姐姐個無用鬼就會不停流淚 , money , 姐姐真係好掛住妳  尋晚姐姐同哥哥去食完 dinner 行番屋企時 , 經過昔日妳與我地行過既路 , 我又再一次無用咁喊 , 哥哥見我咁 , 同樣氹姐姐 , 要姐姐諗番起妳既生活趣事 , money ~~ 姐姐真係超級無用鬼  money , 我知妳哥哥近排密密積極咁搵節目 , 想姐姐行開下 , 去第 2 度散下心 , 但姐姐真係好唔捨得淨留低妳係屋企  姐姐會再一次責備自己 , 妳在時我自私唔理妳 , 掛住整自己野 , 到而家妳咁 ................ 我又即刻周圍去 ..... 唉 ><  

money , 尋晚聽見妳哥哥同班朋友傾 , 想下年 join 埋一齊去泰國 / 韓國玩 , 又話上大陸唔知邊度影相相 , 但.......... 姐姐真係唔想去囉 , 而我知成日屈係屋企 , 盞越諗越傷心 , 但同妳分離唔係好耐 , 但咁快就四周遊玩 , 感覺實在太無人性  

money , 上星期 5 姐姐咪話屋苑投票既 , 原來姐姐同哥哥將 d 好人當賊扮 , 以為果 2 公婆係好人 , 原來後尾先知 , 果 2 公婆先係衰人瘟神 , 原來果 2 公婆先係搞屎昆 , 係佢 2 條粉腸搞到屋苑養狗既人無得養 , 正瘟神 , 下次見到佢 2 個衰神影佢相 , 拎佢地張相去鵝頸橋度打小人   

money ~~~ 記住食飯飯 , 訓教豬 , 玩得開心 d , 最重要記得唔好忘記姐姐哥哥 , 知唔知道

永遠都係咁愛妳既姐姐上