網頁私有化

2008年5月20日 (星期二)

一直以來, 我的網誌都唔係好多人睇, 唔係好多人留言, 所以我都無刻意將我寫嘅內容列入"私人網誌", 由得佢, 人人睇到, 但開始籌備婚禮事宜之後, 我個blog就多左好多人睇, 昨日人次係71, 唔算係好多, 不過都比平時多出一至兩倍. 其實我一直都唔係好介意比人睇到我所寫嘅嘢! 不過今日我就覺得我有必要要將我個blog私有化....

昨日人次：71 訂閱者： 31 網誌：261

話說自從我出左一篇blog, 講比大家知我同秋已經同家人宣佈婚事之後, 我每日都會寫一寫我嘅心情, 又或者係進度如何. 而有一位人兄(費事開名), 佢一向有睇開我個blog, 我同佢唔係Yahoo寫blog識, 算係朋友堆入面一份子, 大家唔好問我係邊個?  我唔會係我個blog透露, 但一定唔係我的好姊妹 (我一生人朋友唔多, 但有三個最好的姊妹, 一定唔係佢地), 而呢個人表面上好關心我的婚事, 會成日打電話問我安排成點, 起初我都會同佢傾我有咩困難? 我有咩係解決唔到? 又或者係我有咩攪唔掂我都會問佢意見! 但自從前幾日, 佢得知我擇日唔成, 而且仲話可能唔擺酒, 佢就講左一句好難聽的說話, 令我好嬲好嬲 (心裡面一直都好唔開心, 但無發表任何意見, 亦無同男友講, 怕比左壓力佢令佢更煩. . . . . 佢講咩? 我都唔方便講, 有興趣知道的朋友/bloggers, 用私人回應問我啦!

所以由今日起, 我所寫的網誌都會 set 左做"只限家人及朋友"可以觀看, 大家如果都想睇我個 blog, 就通知我add你地做我blog friend啦! 而一d無相片嘅bloggers, 我係未必會加入的. 咁樣做都係防止一d無謂人去做/講一d無謂嘢令自己唔開心!!

~結婚, 其實係一件開心事, 無論我出嫁當日用咩儀式, 我都會係咁開心, 能夠同自己心愛嘅人一齊我覺得已經很足夠! 個d無謂人, 唔該收收口, 而家係我結婚, 唔係你囉! 再者, 我應承得嫁佢我就已經知道我會將我嘅幸福交比佢, 而唔係由你呢d人去決定我嘅將來!!!