19/8/2009 寶莉牛奶最新消息

15/8

這天我早上10:30已到養和辦入院手續，於當天的下午2點做手術。當上到病房不久，醫護人員幫我抽血,照X-Ray(肺),放便便,洗肚臍,換病人服,推我去手術室。

當去到手術室時，沒有即刻麻醉。那刻醫護人員幫我貼上心電圖,數"架餐"，跟住麻醉師俾我吸麻醉藥。

當我有番知覺時....e生及醫護人員告訴我是良性 (10cm大)，後來推番我入病房了。

因麻醉藥未散，我只知醫護人員來來回回幫我量血壓,收尿,補充鹽水及於PatPat塞止痛藥。

16/8

這天早上e生巡房及告知我果瘤是朱古力瘤同埋有黏住d盲腸及有子宮內模移位。e生睇左我之後，已吩咐姑娘幫我拆除尿喉及不用再吊鹽水。(終於甩難，可以自己去廁所啦!)不過，姑娘唔俾我去沖涼。(我今次醒目，沖左果身先去做手術呢!)

17/8

這天身體狀況同平時一樣，只是傷口有少少痛。今日終於可食固體野及可出院了。因回家沒有人照顧，於是我食埋個lunch後先回家。埋單盛惠 HK$65,000!

我至愛概大家樂咖哩牛腩飯，暫時唔食得，嗚嗚.................................