停咗响yahoo寫日記兩年了~~

兩年前响yahoo度寫過blog, 但又無心機再寫, 因為我响 http://www.babyhome.com.tw/laichiching 做咗個blog俾芷晴, 記錄低晒芷晴的成長過程, 心想將來芷晴睇返時, 一定好開心, 因為可以好清楚咁俾佢回憶返童年往事, 我哋以前就無咁先進, 但其實唔知係以前無咁先進, 定一或係以前啲人無咁寶貝呢~~

自從老公的工作關係, 所以每個月都要到美國, 而每次佢都買好多靚衫返嚟俾芷晴, 開始我有個idea就係開一個網上童裝店, 其實呢樣嘢都hit咗好耐, 而自己一路都想攪, 但終於的唔起心肝, 今次終於的起咗心肝了, 因為我理解到現時做父母的, 真的好少時間可以陪小朋友, 又或者陪小朋友的期間都唔可以輕鬆自如咁樣shopping, 我知道好多父母都想買啲靚衫俾自家的寶貝, 有時做父母的真係好奇怪, 自己唔捨得食, 唔捨得洗, 但係一話買嘢俾自己的寶貝, 就會好樂意. 另外我自己都係全職媽咪, 所以知道好多媽咪都會上網睇吓有咩特別嘢買俾小朋友.

我自己開頭想, 網上童裝咁多競爭點做呀, 但當我做吓research時, 我就發覺市場上好少跟自己的貨品相似的貨式, 好多都係日韓款, 大陸製. 於是我就覺得可能自己的貨品真係會有得做, 因為話晒都係美國貨, 又有好多家長喜愛的大牌子. (POLO, GAP...)所以即管試吓做.

當我收到一啲人响我個blog度留言的時候, 提醒咗我, 我好耐無updated過芷晴幅相响個blog度, 對上一張相已經係兩歲了, 但其實而家芷晴已經四歲了. 呢四年間覺得佢真係好大變化, 由一個咩都唔認嘅人仔, 學到而家牙尖咀利, 由佢之前係out of control, 教到佢而家可以control到, 呢段時間真係有啲辛苦, 但我總是覺得值得的.