msn駡戰-對手係大姑姑

p:比媽咪激死啦,bb有少少唔舒服, 有咳有啲痰, 昨晚有少少發燒佢今日竟然仲比雪糕bb食

c:可能佢扭計呀？

p:但明知佢咳..就唔應該比佢食..

c:哎，問心，有時你都會咁做啦~

p:就算扭計都係咁話,但我如果知佢咳就一定唔會,係一定.明知對佢唔好的.平時我已經無出聲..佢一日會比bb食一條或者兩條雪條的,你都唔會日日食雪條啦

c:唔係成條食晒ge~你又唔係唔知你個女幾為食

p:唔係為食就要比佢食..呢啲咪就係種佢囉,佢話要食白粉, 你又話佢扭計比佢食咩,大人應該識分輕重.係咪要bb病到死死吓先至唔比佢食先

c:咁上次去stanley你都有俾佢食icecream wor~佢o個時你都話佢咳咳地ga~

p:我都有話唔好比佢食咁多的.總之我今晚返去會dup晒啲雪糕

c:係咪咁做就係好呢？哎~你咪又係得個講字，你又點知mom唔係只係俾佢食少少？

p:你無見過bb食ice-cream嗎..仲食得快過大人

c:你頭先咁ge表達都好唔負責任,講到好似mom想害你個女咁

p:唔講啦, 咩都係我的責任

c:我知你緊張個女，但係都未至於係咁大件事？

p:唔講, 講真每次同你講親, 你都會幫住你媽..你自己問心啦, 你第日有小朋友時你就知.所以我第日唔會同你"生"任何嘢,因為你唔明白我.88

c:你自己都問心啦！mom有幾鍚你個女呢？你好冇禮貌~發脾氣講d咁ge野，好唔成熟，你可以選擇唔同我講，而我都可以choose唔係一定要聽你講野~

p:咁你就當我想冷靜一吓, 唔想同你嘈, 或者唔想得罪你

其實我真的唔係想同你開火的, 我覺得件事唔係涉及到你, 無必要同你有任何argue, 我一心諗住當你係朋友, 當你係一個傾訴對象. 但我卻忘記咗你仲係媽咪個女, 其實唔止一次, 我每次同你"呻"的時候, 你都會係企咗响你媽那邊先, 你並唔係對事. 所以我經過今次的教訓之後, 我會識得選擇唔會再同你"呻"一啲同你媽有關的事. 其實可能今次我的語氣同態度上面有啲過火, 但我已經好嬲, 好唔認同你媽的湊仔方法. 而我又覺得你處處企响你媽邊, 盲目咁去幫你媽, 真的令我有點吃不消.

昨晚諗返我大肚時, 你哥不在我身邊時, 你有時會過嚟陪我, 我真的當你係朋友多過當你係我姑仔. 我唔想無咗你呢個朋友, 所以我昨日我同你開始開火的時候, 我就唯有話我唔想再講, 想冷靜一吓, 但卻換來的是一句"你好無禮貌"...其實我只是覺得我哋意見不一致, 唔應該再討論落去, 再講只會更傷大家的感情...