我們的第一次朱古力火煱~~好味呀

今日係亞文的第一日飛. 而我亦都計劃好我同bb的節目.

本來諗住今日同bb同埋woody ma ma,契爺睇戲的, 但我哋都擔心唔知bb會唔會好有耐性咁坐喺度睇, 又唔知佢會唔會驚黑漆漆的環境. 於是最後都係取消咗. 但woody ma ma好好, 話同契爺入嚟陪bb玩.

ma ma打電話比我時, 話買咗雪糕火煱, 我開頭仲以為佢講笑. 但到我在巴士站等佢哋時, 見到marco契爺攞住好大盒haagen dazs我先知道出事...bb一定食唔停.

ma ma今日做咗聖誕老人呀. 首先一嚟就攞咗兩隻woody公仔出嚟俾bb, 可能bb啱啱瞓醒, 同埋太耐無見佢哋, 所以佢無咩表示. 後來玩耐咗先至開始多嘢講. 之後ma ma又攞咗件喺H&M度買的衫仔俾bb.. aiya..你哋兩位靚ma ma都買最hit嘅嘢俾bb, 唔通你哋都想我個女做潮人.  你哋咁樣會寵壞佢的. 但得到咁多人的厚愛, 芷晴真的幸運了

同bb玩咗好耐..而佢亦都好開心, 同時我相信woody ma ma同契爺都好開心, 因為小女帶咗好多歡樂俾你哋.

我喺佢哋未嚟之前, 已經睇咗食譜諗咗今晚食咩嘢餸. 有金菇牛肉卷, 蓮藕百合炒豬肉, 同埋煮個菜.

到咗5點幾. woody ma ma就話食朱古力火煱... 首先要釘返熱啲朱古力先. 再放上去個玻璃煱度. 一路放啲雪糕球落去朱古力度..真的好巧究呀, 支拮拮叉好靚的呀...

bb食得好開心呀..佢食完一個球又一個球. 成個咁都係朱古力, 成個污咀狗咁, 所以我都立即攞部相機出嚟影低咗佢咁美麗動人的一刻. 到佢食到咁上下, 我唔想俾佢食太多, 於是我話無啦, 後來佢發脾氣仲好惡咁鬧我. 真失禮呀..連ma ma見到都嚇咗一跳. 芷晴平時都無咩嘢的, 但你若果唔俾佢食, 佢真的殺人都有知呀.

那天芷晴真的玩得好開心, 而我都俾佢玩到我好累...