又攪掂兩樣喇 !!!

今日去左expo, 諗住搵埋"婚禮攝影"+"場地佈置", 順便睇下其他啦 ~~ 點知, 我又肚仔痛, 攪到個人無咩心機  加上我又約左PeonyBridal睇男禮, 要趕住走, so一去到就睇下本場刊有無我心目中既公司先  

婚禮攝影本來心水係"Amazing Grace" or "幸福宣言", 點知"幸福宣言"無擺counter, 咁就去"Amazing Grace"啦, 不過serve我個sales就真係好唔掂  so我都無咩心機同佢傾  最後決定走人 ......

跟住場地佈置, 又係得一間我既心水公司"Grand Forest"出現, 咁都坐低睇下啦, 個sales好明顯係比較有experience既, 先問左我哋既日子, 係邊度擺, 跟住就攞個price list講左個basic plan有咩先, 然後就show返佢哋幫Regal HK做過既佈置比我哋reference, 又會講下個場suit咩既佈置, 有部份當然係要加$$$啦, 我就當然會講價, 咁個sales都好識做, 仲送多左幾樣小型啲既decoration比我哋, 雖然全部都係用"絲花", 不過我覺得OK喎, 因為我哋兩個都幾怕麻煩, 咁覺得都OK咪就confirmed囉  而家個package就有 :

- Backdrop : 布+紗+閃燈+花

- Reception : 布+紗+閃燈+花, 仲送埋個deco水盤(有埋candle+花)

- 門口 : 6呎花柱(入席後可放上台), 送埋花材圍住入口位置

- 油畫架 + 蛋糕檯 : 布+紗+花

因為趕住去PeonyBridal, so無睇到"結婚對介","喜貼","餅咭"就走左啦  去到PeonyBridal, 今日好旺場, 好多人, 不過今次只係睇男禮, 都唔會攪好耐既  打開album都算齊色齊款, 黑/白/灰, 收腰款/直身款有晒, 咁我揀左5個款比亞力士試, 最後confirmed一"黑"一"白"禮服, 連入面既呔+小背心都揀埋啦, 一"銀灰"一"淡金"色  掂呀