我過年都真係好無聊呀 (下集)

 大年初四

原本約左1479既同學仔去行山架, 不過仲係感冒未好, 天氣又真係好凍, 如果又再凍一凍, 咁就有排先好返啦, 所以我最後無去到囉  又係屋企休息啦

 大年初五

老公今日要返工啦, 我就keep住係屋企休息 (因為仲未好番呀)  夜晚就返左奶奶度食飯

 大年初六

仲係未好番呀 所以我去左睇醫生啦 + 係屋企休息休息休息 ..........

 大年初七 

今日返左公司OT (10:00am - 7:30pm) 因為下星期一返工之後, 星期二我就飛上海, 星期四晚先返, so得返星期五一日做野, 加上我又confirm炒左新同事, 又未請到人, 得兩個人點做得晒呀 所以早小小返工睇晒emails, prepare晒要send比factory既野先, 咁佢地下星期一開工就可以proceed啦, 唔係等我星期五back from Shanghai先攪就死得啦 ......

OT完就去整脂甲, 因為過年前無時間整, so已經好長啦  我結完婚之後一直都keep住做gel甲呀, 其實都幾好呀, keep到3-4個星期架, 期間唔洗打理喎, 啱晒(我咁懶)

 大年初八 

今日係情人節  我都係約左亞彭佢地hot-pot啦, 原來我同亞力士過左既四個情人節都係hot-pot喎  都係一班朋友一齊過架  

仲有, 我今日已經好乖咁mark晒結婚要晒既相啦, 因為photographer既唔專業, 有好多佢地係抽起無晒比我, 但底片係有架, so我要花好多時間去compare同埋對返number囉, 唔係晒錯就waste time又waste money啦

不過仲有snap-shots既相未執, 因為我想揀小小相晒, 跟住會做本相薄比四大長老, 咁(我諗)佢地會睇得開心好多, 不過要多小小時間啦