網誌分類：未分類 |
圖片
網誌日期：2009-07-01 19:56
好野!!!
終於"哎"到爸爸尋晚帶我同細佬去灣仔狗公園, 出席小V媽為佢另一位千金阮沅所搞o既生日party.
當小V媽見到我地o既時候, 就好熱情咁招呼我地, 仲話想攬我地添!
其實又真係好得意, 正式講我地同小V媽只係有兩面之緣, 唔算認識, 但由於經常互相八下對方個blog, 交換下意見講下笑. 之前爸爸又響"愛柴同盟"度麻煩左小V媽一D野, 所以將大家o既距離拉近左, 故此尋晚一見到面o既時候大家都有D感動(當然唔包括我同細佬啦, 我地剩係想快D有得玩咋! 見到佢地尷尷尬尬咁, 我同細佬笑到KaKa聲).
尋晚有出席o既包括曾經見過o既冬冬佳佳兄弟, 靚女恣悠, 炳權小姐, 睇相見過o既Cool仔, 豬扒, 當然仲有多多, 同埋阮沅小V其他朋友.
每逢見到Husky都好似見到仇人咁o既晉仔, 尋晚竟然冇同任何狗嘈過, 而且仲同阮沅多多social幾句, 果然大個仔成熟左識得分好壞.
而我呢, 當然就係週圍八週圍撩人/狗玩啦, 仲同恣悠"捉依因"捉左好耐添, 有幾開心? 就連心愛o既波波都一早唔見左, 咁你話呢?
但數全晚最開心o既時刻, 莫過於係百聞不如一見o既....
觀音開庫.
我地兩兄弟第一次見識, 當然坐定定唔捨得走.
尋晚真好多謝小V媽, 我地真係玩得好開心. 希望好快又有機會再見.
再一次祝阮沅生日快樂, 身體健康.
DSC03185.JPG
DSC03163.JPG
DSC03162.JPG
小V and 阮沅 2009-07-01 23:40
哎吔....做咩張相影人哋謂其他狗狗架 ???? 我有餵你兩兄弟食野架喎 !!!!
我想抱抱你爸爸架!!!! 佢又怕怕醜醜 !!!!! 人哋當佢好朋友嘛....呢d禮儀嚟架!!!! 好下見叫你哋全家都要抱抱同錫錫先得 !!!!
阮沅 : 多謝你哋嚟玩呀!!!! 我哋好開心見到你哋呀 !!!!! 你唔怕我同鬧就好嗱!!!! 唔駛等下次生日, 我哋日日都好可一齊開PARTY架 !!!! 叫你老豆唔 好懶呀!!! 我哋入嚟玩都得架 !!!!
小V : 叔叔我好鍾意你架, 不過我比扒扒爸抱住, 下次我一定要你抱抱架 !!!! 我鍾意叔叔...我唔鍾意媽媽, 佢好煩架 !!!
PoLo & 晉仔2009-07-02 00:48
相入面係我兩兄弟!!! 一路望實你係晉仔, 週身郁果個咪我囉!
係呀我爸爸好鬼冇用, 不過熟佢就真係唔會同你客氣, 你隨時比佢激死!
你知我離島居民唔係成日出城, 我會盡量多出喇, 遲見!
阿柴 & 恣悠 2009-07-01 22:05
哈哈!!!!! 同恣悠玩到波波都唔見埋!!!!
恣悠都話POLO係難得嘅對手呀!!
下次一有機會, 一定要同POLO再玩過!!
PoLo & 晉仔2009-07-02 00:42
同恣悠玩之前就已經唔見個波波喇, 好彩有恣悠同我玩咋!