寧吃開眉粥 !

響未食粥之前, 首先想回顧一下我地之前所去過o既地方.

除成日去睇醫生o既勝利道之外, 其他有....

灣仔狗公園
(呢次係我地第一次正式出去蒲. 圖中所見左手面果位係我地o既Mary表姐, 但其實佢係表哥, 真名"咸Bee", 不過我地鍾意整鬼佢所以叫佢做Mary表姐, 佢又應我地喎! 哈哈哈哈....).

中環Soho
圖為老豆公司舊址樓下

契屋企
(契係老豆個契媽, 佢好盞鬼ga! 有一次佢靜雞雞叫左我地兩兄弟入房請我地食"馬仔"添! 不過比老豆發現左, "省"左我地三個一餐, 哈哈哈哈....!)

佐敦狗公園 (都唔好玩o既....!)

仲有大坑大牌檔、 DogSide Cafe、 赤柱飯堂、.... 當然不得不提就係去得最多同最好玩o既 - 契爺屋企.

契爺其實咪就係爸爸原本將我送比佢果個朋友囉lor! 當我地第一次去佢屋企時, 心中暗嘆點解命運再一次愚弄我 - 樓高兩層o既獨立洋房連過千呎花園, 我本來可以做富家公子呀!!!!!!!!!!!!!!!!!!!!!!!!!!!!!!!!!!!!!

我同晉仔都好鍾意去契爺屋企玩. 貪慕虛榮就梗有ga喇, 最主要呢度係屋企以外唯一一個地方我地唔駛上帶可以自由奔放. 我地最鍾意響花園玩捉, 同埋響屋內走上走落玩"僕喱喱", 有時連父親大人都搵唔到我地, 等佢地搵餐懞我地至慢慢行番出黎, 好過癮ga!!! 契爺又好o錫我地, 搵親佢都有餅餅食, 而且仲唔駛sit hand down, 好疏爽ga!

但之後去得多就發覺原來契爺成日都要飛去外地做野, 咁大間屋得番我一個咪好恐怖??? 雖然有賓賓陪je..., 但係都唔知佢講乜! 我剩係識一句, 係響屋企樓下見其他狗比D賓賓鬧響時候佢地就會同個賓賓講o既"砵燈建那魔", 我估意思係sorry卦...咁唔通一日到黑剩係同佢say sorry咩!!!

睇番自己有兩個父親o錫, 有個好細佬, 得閒又可以黎契爺屋企渡假(其實係父親大人出外渡假時就送我地去契爺度寄宿至真!), 越諗就越覺得自己幸福.

講左咁多, 都係時候食粥, "易打打畸媽士"!