迷茫的我！

可能人長大左啦，煩惱亦都隨之而多左，再唔似得好似細個個時咁無煩惱。　　

性格嘅問題，有時唔開心都唔想講出嚟，

喺朋友面前我成日都表現得好開心咁，可能佢地都覺得我係好開心架！

我成日笑唔代表我開心！但我唔想因爲自己嘅情緒而影響到我身邊嘅人。

雖然朋友會話朋友就係要嚟傾訴嘅啦！

但有些事真嘅唔知點開口同其他人講，或者講左都幫唔到我，反而會更加煩！

依家見到所有嘅朋友都已經揾到自己嘅幸福，我真係好開心架！

但...就係因爲個個都已經揾到自己嘅幸福，更加顯得我係一個包袱！

依家有時有聚會，我都有少少唔想參加嘅感覺，

因爲多左我就好似多左一個麻煩咁，雖然我知道佢地一定唔會覺得我係包袱，

但我自己真系覺得自己好冇用呀！

我對我自己前面嘅路真系毫無把握，覺得好無助呀....