學校新朋友(11)

係上星期日，媽媽話颱風巨爵就快嚟到喇，但唔知係唔係會吹正香港，打風？咁味會落雨雨囉…..落雨雨我哋點返學學呀？

就係咁…….我哋一連三日都無得返學，要到星期三，天氣好番Ｄ，媽媽至可以帶我返學，由於BoBo好鍾意做爬地狗，媽媽怕學校地地仲好濕，而攪到BoBo濕身，所以今晚無帶BoBo返學。

嘩～今晚又多左2個新朋友仔喇，佢哋同我一樣，都係Toy poodle。

第1個係奶白色嘅“KimChi”，8個月大嘅仔仔，其實佢早於2個大時，嚟過學校喇，不過當時佢仲細又未打齊針針，所以我哋爸爸媽媽同KimChi爸媽講，等佢打齊晒Ｄ防疫針，再帶嚟返學，不過一等，就等多左5個月，KimChi佢好活潑架，週圍咁搵朋友玩；由於KimChi D毛毛係奶白色，Ｄ大人叫左佢做綿羊，仲叫Vince要好好睇住佢。

第2個係朱古力色嘅“Bonus”，3個月大嘅囡囡，嘩～好嘢呀！我哋終於多左個女同學喇))))))，Bonus鏟左毛毛，所以睇上去，好似瘦左Ｄ，佢第1日返學學都幾怕羞，唔係好敢走埋我哋度。

不過…….隔左1日，又遇上我哋開大餐食零食時，就受唔住我哋嘅美食誘惑，睇吓～我哋又排排坐等食食喇！