曳曳豬.....陳豆豆

最近幾個月唔知做咩，陳豆豆開始做左曳曳豬，當遇上佢唔鍾意嘅情況下，被佢媽媽或其他家長想抱走佢時，佢就會E牙牙，若情況持續的話，佢就會咬人喇，陳豆媽就經已試過好多次，攪到依家陳豆豆返完學學或去完街街之後，都要由陳豆爸幫佢抺身身，就係因為佢E牙牙咬到佢媽媽喊。

上星期五，我媽媽見佢夾住囡囡玩，想抱起住時，陳豆豆就對住我媽媽E牙牙，被陳豆爸見到，就罰左佢企凳凳。