第2次游水水 + 游水活動

媽媽係上星期日，又帶左我去游水水喇，不過今次係去室外，今次除左我之外，仲有BoBo姐姐，Artu & Fire；事原係上星期六返到學校，遇上Fire返學，Fire爸話星期日會帶Fire去西貢濠涌游水，Artu媽聽到就立即報名話要帶Artu去游水，我媽媽聽到當然亦會參與，因為媽媽好想我好似陳豆豆一樣，落水後可以自己游水，唔使好似上次係室內游水，要週圍搵地方避唔落水．由於陳豆爸爸/媽媽要等埋Wisi爸做完公司ｄ嘢先再決定，所以我哋一行3個大人連同我哋3個位小朋友，再加埋Artu媽個朋友仔，一齊向西貢濠涌出發，

今次我哋無call車車，因為Artu媽個朋友仔有車車，可以載我哋去玩，不過我哋出發時有少少交通阻滯，原來當日我哋屋企附近有巡遊表演，為慶祝國慶及東亞運動會，所以我哋要繞過另一邊路入西貢，當我哋一入到西貢，Artu經已坐不定喇，因為沿路上都見到好多狗狗，Artu好想落車認識佢哋；終於到達目的地，Fire經已開始游緊水＆跟其他朋友仔玩緊．

當日除左Fire外，仲有另1隻金毛，２隻史納莎，1隻老虎狗＆1隻toy poodle嚟游水，但由於佢哋都比我哋早到好多，所以剩番Fire同埋老虎狗跟我哋一齊游水水；老虎狗叫Cash($)，佢好犀利架，佢嘅跳欄技術好叻叻，仲得過獎項添，媽媽拍低左佢跳欄嘅技術，請click入以下網址睇吓喇！

由於攝取左第１次游水嘅經驗，媽媽今次就經已自備了短褲，不過就忘記帶拖鞋，幸好Fire爸有多一對拖鞋借用，之後媽媽就抱左我入泳池範圍，準備帶我游水水，最初媽媽抱我係池邊，陪我一齊浸吓腳仔，適應一下ｄ水溫，我又好無奈咁被媽媽捉住左，浸完腳腳，媽媽就抱住我落水，雖然媽媽是托住我肚仔落水，仲不斷叫我唔使驚，但我總是有ｄ緊張咁不停踏水，又攪到媽媽成身濕晒，幸好Fire爸提議，用胸帶拖住我係池邊游吓，等我唔好咁緊張，媽媽都有鑽我係中斷位置游得不錯，其實係因為我知道就快可以上岸咋，但當媽媽帶我轉彎而唔比我上岸，我又再次緊張起來，如是者，我就連續游左3個直池邊，媽媽才罷休比我上岸；當日雲先生帶左好多朋友嚟，遮住左太陽怕伯，媽媽感覺天氣有些涼意，就放棄唔使我再落水喇！

係我游水其間，BoBo姐姐有驚人發現，其實今次係BoBo處女落水，之前EE都未帶佢去游水，原先BoBo都係同我一樣，跟EE係池邊玩吓適應一吓，點知EE一個錯手，輕輕推左BoBo落水，嚇得EE即刻大叫想搵人救BoBo時，BoBo竟然步伐輕型，氣定神閒咁慢慢向另一池邊游過去，Fire爸仲話真是估唔到BoBo咁叻叻，就連Artu媽都話跌晒眼鏡．

Fire爸話我哋知，原來呢度除左可以游水外，仲有訓練草地比我哋玩，及ｄ大人仲可以燒嘢食添，我哋小朋友由朝玩到晚，費用都係HK$60.00/隻(不論大或細)，洗白白＆吹毛毛係免費架，不過要自備毛巾＆沖涼液，但都好超值呀！唔怪得Fire成日都嚟游水喇，如果大人要燒嘢食，費用就要大約HK$150.00/人左右．