墨魚丸和燒墨魚丸

尋日A/N, 5個留2個, 我又唔洗留堂, 好野!

N先生笑我唔煮飯俾老公食, 咁我放工就去買, 嘿!

我都九唔搭八, 買左白菜芯, 旺菜, 四海墨魚丸, 水餃 和雞味的味千拉麵

另外再買左一盒燒墨魚丸和酸齋, 黎一個mix and match

燒墨魚丸做左我既lunch,佢係我十大吃不厭的食物之一黎.....

平時看夜, 我會7pm起身都有時間煮下野, 老公仔多數8:15pm返到黎, 食飽野我就會返工

點知尋日我訓到8pm呀!!!!仲要梳洗執返個樣

好彩8:40pm都有得食...

驚人發現, 四海墨魚丸係好彈牙的啊! 好似魚蛋咁呢...

味千拉麵, 豬骨味好食過雞味

至於個酸齋呢, 都係留返做宵夜

同事煲左蕃茄薯仔湯, 好好飲

下半晚N先生拍我做分流站, 俾佢笑C左...

我話凍, 拿左張被包住個身, 個樣仲病個patients

佢話: 等我攬住你, 你就會覺得暖啦....

轉頭佢又話: 好D未呀?

我話: 未呀, 你都未黎抱我

佢話: 黎....等叔叔抱下

轉頭又話: 俾我摸下你隻手啦, 就知你暖返未啦...

男人永遠都係口甜舌滑的好

如果俾我後生幾年, 我或者會俾佢lum到呢...

回想當年, 和一班朋友飲完酒, 渣車去左西貢睇日出

那時聖誕節, 我愛令唔愛命, 著到鬼死咁少衫, 凍到就黎C

一個要好的男性朋友, 隨左件衫俾我, 但佢就得返件短袖衫

我依傍在他身後, 個身暖返好多,不過佢就真係凍到就黎C啦....

一個咁好既男人, 就因為佢有左女朋友, 佢女朋友斷絕左佢既所有女性朋友, 唉..

如果我同老公仔話我凍...佢就會問: 咁呀, 點算好...........

一係就話: 都叫你著多件衫啦..

這就是情人和老公的分別 =_____="

墨魚丸始終係墨魚丸, 點好食都好唔過燒墨魚丸