返學第二週

9月7日星期一

今個星期, 幼稚園加到每日返兩小時學

小喬都係成日話"唔返學呀"

但婆婆讚佢返學叻女, 返學好唔好? 佢就會話好

今個星期全都是婆婆帶小喬返學

搭lift個陣見到好多人, 小喬"懶"叻咁show個書包俾人睇

示意係"我返學好叻女"

但一行近間幼稚園就眼濕濕唔想返學

要抱抱

小喬爸返工前有偷偷望小喬返學

放學由我接, 小喬手上拿住餅餅, 老師讚佢定左好多

冇喊喊

我帶左佢去酒樓食lunch, 好叻女

食左好多野, 有牛肉球, 千層糕, 切雞飯, 仲食左好多莧菜

小喬好鍾意食菜和魚, 呢樣我好歡喜

今日亦發生一樣幾好的事

一直以來有一間我心水的幼稚園, 不過冇N1, 所以要到K1先會報

但係佢既K1又只得half day, K2,K3先有 Full day

所以小喬婆婆一直都否決呢間幼稚園

今日飲茶有緣撞到一位做救護員的朋友

佢咁岩又係接完佢個仔放學去飲茶

佢個仔讀緊啟思N1, 諗住K1都係報我講o個間

佢o係小喬婆婆面前勁讚o個間幼稚園點好點好

又話地方大, 小朋友開心, 講到明一定要讀

佢講一句, 好過我講十句

希望真係讀到o個間幼稚園K1時, 小喬婆婆冇聲出啦~

(不過呢間幼稚園超多人爭)

9月8日星期二

 又係小喬婆婆送小喬返學, 我接小喬放學

小喬已經融入左學校既生活

不過返學前都係會扭計

由以前7點幾會起身, 到今日8點都唔想起身

臨行前仲話要痾shu shu, 又話要訓覺覺, 一直逃避

但我見佢放學時又冇乜點

小喬婆婆應承放學有mimi糖糖食

好彩, 我真係帶左糖俾佢食咋!

下午要返工, 有機會去兒童心切治療部

好多細路都好慘

我接既case係上幾星期, 我在急症室實習遇到沖涼時浸親既2歲男仔

由於腦部缺氧, 所以依家都變左植物人

09年9月9日星期三 <--長長久久

今日小喬仲遲起身, 8:30am都唔想起身,

但係返學返9am喎, 起左身又係話要痾shu shu和臭bun bun

夜晚老師打電話黎, 話小喬在學校好穩定

只要tum下佢, 玩下波波和give me five, 佢就會好乖

又話小喬好鍾意聽歌, 一聽到音樂就會第一個行前自己跳舞和扭腰

聽到都覺得好笑

由於學校好大冷氣, 老師要求我帶冷衫

但係我仲未洗喎 =.="