29week - 7個月的人仔

踏入了29 week - 小小b已經成為7個月胎齡的人仔 (過了24週, 已是法定人仔啦).

這幾星期, 小b生長速度明顯加快, 媽媽的肚子也大了不小.

小b的腳力也增強不少, 常常在媽媽的肚子裡橫衝直撞, 是一頭名副其實的牛仔!!

媽媽在28WEEK的時候, 去了兩次產檢!!!!

27-7-2009  星期一 - 產檢@QEH 

第一次正式在政府的產檢,  基本上也不抱有任何期望.

根據上胎的經驗, 政府產檢只會由姑娘聽心跳, 然後醫生摸肚的大小, 還有就是問你有沒有到私家覆診, 私家醫生有無話你有問題等.

估不到今次竟然只是得姑娘聽心跳, 然後醫生問了幾句, 便完了今次檢查. 實在求其得太過份了.  所以, 如無意外, 也不會再到政府檢查了. 

30-7-2009  星期四 - 4D照

一個期待已久的日子, 究竟小B似爸爸還是似媽媽? 又似唔似哥哥呢? 媽媽實在很心急想知道, 看看這個無時停的百厭仔究竟是甚麼樣!

一開始時, 看見一大堆腸形物體在小B的面上, 嚇C人.  原來這堆腸形物體是臍帶, 媽媽而家先知原來臍帶咁大堆.  Dr. Leung話堆臍帶放左係小B面上, 所以只係睇到一邊面.  攪左好耐, 先搵到個比較好嘅位置可以影到塊面.

一睇D相, 小B勁似爸爸, 同賢賢唔係太似樣.  不過, 爸爸就話勁似賢哥!!

(由於今次醫生無俾番D相嘅SOFTCOPY我, 呢D係我自己用相機影, 質素較差)

Dr. 話小B眼窩好深同面仔好多肉,  憑呢兩點, 小B應該似爸爸多過似我啦. 

根據上次的經驗, 4D照出來的賢哥真係同出世後的賢哥好似樣!

最似就是個咀

還有2個多月, 小B就要出世了.

媽媽還是有很多很多東西未預備....買傢俱, 預備工人到, 選購小B物品, 還有是執走佬袋, (上次執了成2個月也未執完呢)

 未來一個月, 要努力點了!!