蒲普近況

嘩！大家真心水清，係呀，蒲普返左美國喇！帶返香港寄既貨，有啲好遲先寄出，在此要再一次道歉，亦要謝過大家的耐性和體諒。

至於那個新衣櫃嘛？還在努力中囉！蒲普在港兩個月，暴瘦十幾磅，初初緊係好開心啦．．．．唓！後尾發現原來係甲狀腺亢奮，要食十八個月西藥！中醫話呢個病係由壓力而起，仲叫我咪生仔住，依家唯有減慢腳步，咩都慢慢黎啦！其實返到美國，見到啲童裝已經轉緊季，香港又未有耐涼，所以大家都可以等一等。我老公同叔仔呢個幾月都好賣力幫我整我個新衣櫃架喇，當然大家唔好預期會好專業啦，不過佢地咁出心出力，我仲可以有咩要求呢？

講開慢．．．．我老公成日驚佢太慢，當佢整好我個新衣櫃時，大家都忘記左蒲普．．．．哈！好在晌冇夾定既情況下，我每日都仲收到啲問我去左邊或新衣櫃整成點既留言或電郵；一俾老公望下，佢又繼續埋頭整喇，真係多謝大家支持．．．．我．．．．好．．．．感．．．．動！(最勁係冇野POST出賣都仲有好多REFERRAL...真係多S哂!)