矛盾

仲整番十堂多+考試;全個Higher Diploma課程就完喇!真係好快呀;唔知可唔可以順利pass呢?????

由Cert.至而家足足經過七年多;不斷花時間去上堂、温書、放假困住自己去温習室應付測驗同考試;真係好倦呀!!!然而年紀老邁;精力透支亦開始退化喇;真係有心無力!不過當努力過後;反而到完結時又有啲失落咁;尤其近排與vis、鷹及其他同學傾談繼續升讀Degree或歸於平淡生活時;心裏面實在好忐忑同矛盾呀~~~~

其實同vis兄共同進退七年;成績只係邊緣又蠢又懶嘅我;根本未想過可以支撐到今日;當中自己、家庭都有好大變化;尤其而家成為業主;為生計、供樓及日常龐大開支;本應收拾心情全力揾錢為主;無奈工作上見某同事因前兩年考到Degree加上努力同遇到伯樂嘅上司;並假意借公事上幫我(只在上司面前幫;但之後又拋番比我自己做)踐踏我而上位;上司仲講"妳幫佢手;我會識做";結果因上司寫佢"A"級Apprasial report;終於呢位同事攞到局長嘉許信;而收到信後一個月;最近staff posting出左;呢位同事更被提升去acting做 呀頭位;而自己卻由原來有前途望努力博嘅位調回以前原位(梗係二打六低低地位);我既發奮努力只係維持七個多月乍就被打沉左....

呢位同事比起另一位好好但捱左將近十九年既同事同時間係呢一刻一齊acting上位;但呢位同事入左嚟部門只係十一年就火速上位;當中令我啟發到持有Degree原來真~~係好緊要ga....霎時間我衝動地好想報讀Degree course...

但係.....唉....一想到學費$$$$就頭痛....而最近仲body check知道有點問題;所以心情更加矛盾....究竟到最後自己係咪只選擇平淡賺錢為cover生計到退休而不求上進呢????????

以上既剖白其實希望鼓勵vis兄、呀鷹與其他同學如在環境許可下就比心機讀埋Degree呀;要將來有美好前途;就趁而家尚有讀書既精力好好地把握喇;我"薯老兄"謹此祝福大家"成事在人、成功在望"呀~~~~Yeah....