妍妍發燒

09年10月28日（2Y5M25D），妍妍早上飲完奶嘔，以為同佢玩，佢走得急，所以嘔，不以為意；晚上八點幾同佢玩，佢無心機玩、仲喊，摸佢額頭（我成日摸住佢地手手腳腳，當日手是偏涼，所以無一早發覺），先發覺熱，探熱有39.3℃，嚇我一跳，即刻同佢用退熱貼、食葯、飲水，但都無退，飲水時又再嘔，半夜飲水又張之前的奶嘔出來，這時探熱有成39.9℃。這是妍妍第一次高燒，我真係唔識處理，佢爸爸仲唔識處理過我，半夜一點幾，只有帶佢去急診（有經驗的人可能應為不須去急診）。
去到醫院就比類似寶礦力的水比佢飲，要每十分鐘飲8ml，妍妍已經唔舒服想訓覺，要每十分鐘整醒佢飲水，都幾煩，妍妍要除晒衫衭散熱，等左好奈，醫生先來，檢查後一切ok，要等驗尿，妍妍成五點先有尿，結果尿ok，妍妍體溫亦降了，無比葯，就返歸。
早上起來，妍妍又回到38點幾度，又同佢退熱，食葯、飲水、除晒衫衭、溫水涼等，但成日都有38點幾度C，甚至39℃，惟有打去診所，問下佢地如何？佢話唔放可以來診所睇醫生，我當然去，醫生比了兩隻，回家食葯後，妍妍要等半夜先退燒。