I'm back~~~

好耐都無寫blog, 特別係婚前幾日, 忙到一團糟.  而家回想, 又好似發左場夢甘~~  時間真係過得快, 而家已經係11月3日了, 不再是陳小姐自稱, 變身為胡太,  有點不習慣, 好像老了很多......回顧一下之前發生的事:

10月24日 ---- 呢日極度忙碌, 早上請了"再培訓的阿姐"回來幫忙執屋3hr (洗廚房&totiet...),  我自己就開始BURN CD(酒樓用的歌).  當阿姐走左之後, 我自己換上媽媽送的床上用品.   老公就開始feed dogs.  直到下午3點左右, 就車野去酒樓先(有3大箱野 -內有相, table centerpiece的物品等).  then 我就去整gel 甲, 去到已經係4點幾, 我都未食過野, 立即order 外賣, 邊整邊食~~~  老公返左公司一陣之後, 幫我去花墟買左6大扎red rose(for table centerpiece用), 之後佢自己先去pecfection 羅衫, 花就放係pecfection, 等我自己去羅.   整甲都整到8點, 立即飛的去pecfection羅衫, 頭飾&手飾.  我call左的士, d野放晒上車後, 去tst東接埋一位姊妹(佢住得遠, 所以是晚就係我娘家過夜) 就回娘家.  回到小西灣又已10點, 我地放低d野入屋後, 馬上去買外賣, 扒左幾啖後, 又立即沖涼, 趕住11點前要完成上頭的動作.  上完頭就開始執明天用的野.....till 1pm, 我一邊做mask, 一邊開始meet rose 花辨.....d 花原來全部都有問題(發霉, 燶邊, 花唔開....), 總之乜都有...., 好在買左6扎, 開邊個d全部唔要得.  好在有位姊妹幫手, 我地2人一齊meet, meet 到4pm先訓,(我無叫屋企人幫手, 阿媽好tired, 早訓, my brother&阿爸唔識整.)      最後單身的一晚, 我同姊妹一齊訓woo.  是日就此完結. 

10月25日 ------  訓左2粒幾鐘後, 我mua的電話就打黎, 話佢坐緊8x黎緊~~~  我訓多陣就起身準備, 姊姊jeanie 幫手打俾其他姊妹, take 埋早餐order.   my brother 就負責落去買, 我就坐係張chair到 set 頭, 阿媽就係度煮congee俾舅父同阿爸食.....成間屋的人都好忙~~  各姊妹紛紛到齊後就更甚, 化妝、食早餐、準備接新娘的games.... till 7:50pm  老公同兄弟團準時到達, 我就衝返入房, 聽住佢地玩~~~   老公終於完成艱辛的遊戲, 接到我.  我地敬茶, 拍照至9點就出發去註冊處.   呢度都好順利.    去到註冊處, 立即換婚紗, 搞regiester的野, 見仲有時間就同親友們拍下照, till 10:30開始註冊儀式.   當註冊人員叫d人switch off手機時, 呢刻我阿爸的手機響, 佢接左個電話後一路不停甘講, 因為佢係女方的代表人, 幾百對眼望住佢 (真係幾監介....., 我仲記得佢叫工廠的人交報表......haahhaha)  完成整個儀式後, 行去圓形空地影大合照同拋花球, 好在花球無落地, 最終由一位台灣來的姊妹接左(佢係我兒時的玩伴).  由於貪方便, 買1day color con, 因為con的sharp唔arm, 非常吉眼, 我就除左佢, 又無帶自己平時戴開個d, 就甘就變左半個盲人....之後就立即去男家敬茶同埋回門.  呢part都順利, 除左阿爸的電話~~~~   1pm前回到女家之後, 連同兄弟姊妹一齊去飲茶.  食飽飽後, 兄弟團就回車內訓覺, 幾位姊妹就回我娘家執野, 老公也回我家sleep(佢原來前一晚無訓過) 我就去bank過數, 暢利是錢.......回到家後, 我好眼訓, 訓左20幾分鐘...執一下野, 又夠鐘去酒樓.

去到酒樓好似打仗甘, 好在兩位cx舊同事來幫手, 跟table centerpeice的 display, 其他各有各忙, mua一路催我入去, 我就叫佢幫我伴娘同其他女仔先, 反而我就同酒樓經理go through rundown, 同派利是.  最後磨到5點幾我先入去化妝, 而老公同伴郎去check fishes & 魚翅.  之後就係做紙板人影相, 呢part我換左2件晚裝.  席前影相都幾混亂, 阿爸同阿媽各自爭叫人上黎影相, 但人又唔齊, 成日都係個幾個上黎, 我開始發老脾, 因為老公的朋友又到左, 我請的朋友都係, 我唔理佢地, 同老公各自去同朋友say hello.  因為係weekday的原因, 我堅持9點正開始, 阿媽要求再影, 我無理佢(因為我地影相時間已經貢獻左3/5俾佢地).  march-in 一如我好驚甘, d 花炮射埋黎, 好驚呀~~~~,  切cake, 交杯, 去到致辭呢part, 由老公講先, 到我時一開口已經開始喊, 一如自己之前惗的說話, 講晒出黎.  送花俾雙方的parents, 之後就開餐~~  好意外, 見到comcom同linlin 黎搵我, 我地影左幾幅相, 多謝你地黎探我呀!!!!     食左乳豬後就換敬酒的晚裝, 戴晒所有金器出黎, 食埋魚翅就開始敬酒, 我地由酒樓PR帶住, 係甘E 每台敬下, 跟住我同老公各自搵自己朋友social同影相, 之後我極速地換埋最後一件eg送客.  大約11點, d客開始走, 一如我預計的時間甘, 送客其間又爭取時間同賓客影相......客人走晒, 我地就開始pack緊, 埋單.......是晚就此完滿結束.    由於我食到翅就無再食野, d包魚由waiter 用食物短裝起, 我一路坐電梯, 一路用手羅黎食, 因為實在太hungry~~~.

回到自己家, 我連涼都無沖, mark-up都無落, 就訓左, 反而老公就好精神, 係到玩拆人情至清晨6am, 我訓到早上先起物沖涼, 之後食左個公仔面後, 輪到我玩拆人情, 拆左一陣, 又好眼訓, 老公幫我拆, 我又繼續訓, 訓到6點幾先起身去還衫.....因為之前我為左婚禮的事, 成個幾星期都係晚晚4點先訓, 所以完左婚禮, 頂唔住LA~~~~

總結: 

1) amazing grace的影相&攝影service好好, 特別係nelson, 影相敬茶的搞笑用詞未repeat 過, 句句有意思, 又好笑, 個個讚!!!!!

2) pecfection的衫同手飾好靘, 而mua 阿琛好得, 好快手, 佢帶住2位助手都好得. 而阿琛的私人頭飾都超靘!!!!!!

3) 北京道一號的帝廷酒樓食物同服務都幾好, 特別係條魚, 紅色的東星同包魚, 阿媽都讚, 總算無失禮~~~~  

4) 金色24座小巴 - 架車就無野, 但當日原本答應8:50分前到, 最終要9:0幾分先到, 好在我要過9點先可以出門, 唔趕時間.  後尾兄弟問番司機, 司機話原本個個有事, 都係早上臨時換人.  點都好, 對此唔太滿意!