朋友篇

(1)

朋友係我心目中...

近日讀書壓力大,心情差到貼地,想死死下咁!係呢個時候,我真係知道朋友,同好朋友既重要性.普通朋友只可成為你解悶的人,而好朋友,真心朋友唔單會為你解悶,更可在你有需要時出手相助.呢個道理好common,但要是能真正體會到才是一生中難得的福氣!然而,感謝上天的安排,令我體會到唔單只係一兩個好友的幫助,呢一點我為自己有的感到非常之自毫,有不少好友勤勵,內心感到非常之幸福!

第一個好友,甚至是知己,係中三時識,係中四時熟落. 我地曾好多次有意見上的出入,但我地係爭論過後都可互相體諒,你讓我,我讓你.我地之間就係爭吵同關係好成正比。中三吵到中四,中四一齊走到中五.現在,中六佢唔可以陪我繼續走,不時諗起都心酸,有一種不痛快的感覺. 佢可以係我中五經歷會考時,唯一一個能夠體諒同明白你既人,有啲野唔洗講佢都知,重多次提意同勤勵,有時好似呀媽咁,呢個位超感動,可能我自小失去母戀吧.人地只會睇到我表面鏡中既我,不會體諒我既壓力.中六要獨自去面對和處理所有既問題,真係好辛苦!若俾我揀,我願意只有一個咁既朋友就夠了,一啲都唔鐘意多,多得來內心反而只係空虛...可惜的是,衣家只可係放學時去附近的圖書館見下面,傾下計,學生最長的時間就係係學校,卻見不到..

第二個好友,係異性黎. 都係中三時識,係中四時熟落. 又係經歷多次爭嘈而成好友,我真係信嘈交可增添朋友間既趣味性. 我多次表達對佢既不滿,相信佢應該都感厭煩,也習慣左多嘴既我. 原來,今年佢不可陪我一齊走讀書最艱辛的預科生厓時,我先發覺佢對我既寬容有幾大,佢對一切我地之間既舊時問題都不記,不究.對我的不滿都能以接納既心態.有幾多人可以咁樣對你?少有.今日我地約出去聚舊食下野,傾好多計,傾到佢有要事出去都唔走.這一次見面真係有依依不舍的感覺,因為大家都要返去繼續忙自己既工作,唔知下次相隔幾耐先會再見.以前唔會因為返學日日都見,見到厭.

除左呢兩個之外,重有兩都幾好既朋友. 佢地都會係繁忙之中搵出一啲時間黎關心下你.但係我地之間冇咁親密.而呢兩個好友都係去年先熟落.

與其他朋友都算是好好,有時大家都會關心下,但呢啲大部分都係社交上的需要,唔似真心朋友,佢地會較真心咁去關心你,為你付出左唔少野,但自問我又冇付出左好多.睇見都好安慰同感謝上天.

--------------------------------------

(2)

11月25日

今日放學原本忙緊趕物理份project,四點幾去電腦室做野,突然手機震,原來好友打黎...我感到好奇怪,因為佢平時都好少放學咁早打黎. 我當然好開心. 佢搵我陪佢去睇男仔,之後佢才陪我去圖書館. 但我重要係五點先趕做份野,所以結果我話差唔多做完,過多幾個字搵佢,就收左線...

過多一陣,大概五點三到,佢打黎,我想接時,教物理個阿Sir上左黎,重話要聽埋最後少少野先,搞到我錯過左個電話. 諗住算啦,事後同佢講返,跟住就繼續做野...做做下,突然係臨走時,見到有人帶佢上去電腦室,係門囗見到佢時,突然悶悶不樂既變得好高興,且帶點驚訝. 佢竟然黎搵我! 之後,我地一齊走去買雪條,坐係 City Gate 出面水池附近的椅子到邊坐邊傾計. 諗起都好耐冇咁樣出黎呢度坐傾計la. 對上一次我地係係節日既假期到一齊咁樣出黎邊傾心事邊欣賞美景,呢啲時刻係一生人之中,係香港咁煩囂的城市到,好少會有,所以我好想成日都有.

--------------------------------------

(3)

11月28日

今日放學後,好友又黎在學校,我地出去附近商場行下,食個雪條,我先返學校練郎誦.(下星期二比賽,但今日放學先背好頭兩段.) 佢着住佢衣家讀緊既學校既校服,返黎見到舊老師同舊同學,佢話好怪. 食完野,我送佢去車站就趕返去練郎誦.

之後,夜晚,佢叫我陪佢去睇靚仔. 去完佢又唔咁走近啲睇! 之後,我地係「火箭公園」同「東薈城」影下相到十一點幾先返屋企,就咁過呢一日,開心指數又上升!!

以下就係啲相:

火箭公園

東薈城

--------------------------------------