我係小丸, 係靚太一家同咪 long 媽的心肝定

 

我有好多個名, 比較心體廣胖時叫肥丸, 落雨整濕個身時叫臭丸, 鬼祟人時叫鬼祟丸, 靚太睇「高朋滿座」睇到上腦時叫呂有丸, 總之有個丸字我都會應.

熟識我 ge 人知我好 friendly , 唔怕醜, 只要你肯抱住我, 摸下我, 我便會好歡喜.   我的志願是俾我常常在家黐住任何一個人, 不用到花園.

基本上我係一隻又醒目又乖的狗. 每次靚太一家叫我, 我都會走過去應佢地, 但阿黃生叫我時就未必, 梗係啦, 佢成日老點我, 走過去時只講一聲乘lar 便算, 都冇同我玩, 有啲懷疑佢當我係 stupid dog .. 仲有呀, 當靚太一家叫阿 bu 時,我都會走過去, 盡量攝住個位, 避免阿 bu 得寵..所以我都好忙碌, 亦因為咁, 我有對勁黑的黑眼圈. 為咗保持警覺, 我好醒訓, 唔到夜晚大家熄燈訓覺時我都唔會訓得稔. 大家應該可以想像我平時係幾咁忙碌, 所以靚太不時投訴話我有鼻鼾

喺我角度, 冇咗阿 bu 我都唔會悶, 因為我平時一日只會同佢玩幾分鐘打交, 通常都係佢打我, 有時我都會出茅招用個肥 pat 去撞佢.. 阿 bu 份人好冇品, 踩到佢, 或佢訓訓下發惡夢時佢都會打我..有時靚太都會因此幫我打阿 bu.   一講開阿 bu 我條氣就好唔順, 佢持住自己上落樓梯叻, 便在我學行樓梯時不停嘲笑我, 阻住我學嘢, 攪到我學極都學唔識行樓梯.. 成日都俾靚太鬧我...  咁我跌過幾次, 自己又細膽, 我都冇辦法... 所以我都係鍾意婆婆多啲...因為佢會抱我上樓梯...

自從靚太同黃生結婚後, 我便要過住託兒所式的生活, 朝七點半至晚八點半我都會留在婆婆家.. 其實我都唔鍾意住新屋, 嗰條樓梯勁長,勁深, 都唔明點解佢哋要住3樓, 又熱到死.. 佢地一開冷氣, 我的鼻敏感便會發作, 靚太話我Q 麻煩, 又怕熱, 又怕湅, 咁人地身子弱,  原本係一隻德國狗 ar ma... 一到夏天, 我o知自己怕熱, 所以我會自己浸落盆湅水到沖涼, 亦因為咁, 靚太同黃生一到夏天便會同我剪光豬, 方便沖涼.. 其實我好鐘意出街, 但呢年半都好少出咯, 靚太話我剪了光豬出街會被人歧視.. 我有小小懷疑係佢懶, 唔帶我出街..

靚太成日話我乜都好, 係 dirty 啲, 唔識行樓梯 (真的很羨慕住樓, 搭電梯, 不用行榴梯的狗), 成日吠. 除咗呢啲嘢,我簡直係人見人愛, 車見車載的小狗...