一諗到要講我的威水事, 簡直可以滔滔不絕, 講幾日都講唔完.. 我唯有謙虛啲, 揀幾件小事同大家分享
神偷小丸
YeungYeung 都提過, 我係神偷小丸, 只有被斷正過一次咁多..話說一個月黑風高的晚上, 我同阿 bu 留在客廳訓覺, 一如以住, 靚太在訓覺熄燈前出來幫我們蓋被.. 當她回房熄燈後, 我便耐心等候了10分鐘便用「雞咁腳」(呢個係我平時行路時的形態) 靜靜地走入廚房, 用我個鼻掀起個圾埇蓋尋寶, 點知, 興奮得滯, 個蓋 "拍" 一聲關上.. 我唯有再開啦, 點知就係咁俾靚太當場捉住, 狗贓並獲, 俾佢鬧到死.. 呢次係唯一一次咁失敗.. 不過我仍然覺得都好威, 因為靚太實在不知道我曾多次犯案
送給大姑媽的金子
另外一件威水事, 便是當住大姑媽面前, 在她厠所出面的地毯上, 送了她一舊made by siu yuen 的金作紀念, 她很好人, 完全冇責怪我.. 我可以好proud 咁講, 我仍然可以在她家作客, 證明我係幾咁人見人愛..
大鬈 look
仲有一次, 我冬天係留史納莎裝的, 因為我實在太怕湅, 所以便成日著住件衫, 日子耐了, 我的毛便會變鬈. 有次 "grandma" (黃生的阿媽) 見到我仲以為靚太帶了我去電髮, 由光豬裝變為最 hit 的大鬈 look ... 睇下我幾叻, 直毛又得, 鬈又鬈得自然, 呢啲咪叫天生麗質囉...
靚太不動, 我不動
某次靚太帶我去例行打針時, 她入了厠所後我便動也不動在厠所門外等她. 當時在診所內的姑娘個個都讚我乖呀, 令到靚太幾有面呀.. 其實我當時係怕佢唔要我, 我唯有死守等她浪子回頭返來接我, 而家諗番都多餘的, 佢邊到會捨得唔要我ar..
由於時間關係, 今次講住咁多先..
靚丸上...
tomato 2006-07-13 17:41