作感冒

尋日返早班既時候d鼻水係咁流，初初以為係鼻敏感無乜理會，但係鼻水依然係 non - stop，同事叫我去睇醫生，但係要知道係浸記睇醫生仲慘過睇急症，由返工落紙睇醫生到放工都未有醫生睇，我相信最主要既原因係因為睇 staff 無錢賺所以放到最後先睇，既然係咁橫掂我仲有d藥淨不如食自己好過。點知到食飯既時候開始覺得喉嚨痛，唉！一定係作感冒。於是放工拿拿聲食左粒藥即刻訓覺，因為仲要踩埋個夜班，點知訓左三個鐘左右就流鼻水醒左，然後鼻水係咁流，喉嚨仲痛過之前，亞發過黎陪我食完晚飯我就返番醫院再食收鼻水同消炎止痛藥，好彩看夜既時候d藥力開始有效止左鼻水同埋喉嚨無咁痛，工作一晚過後放工又黎過，返到屋企再食多次藥訓覺，家下訓醒終於好好多，不過喉嚨仲有少少痛，但係都好過尋日。作感冒仲要返 A/N 都真係幾辛苦下。