婚禮之花仔花女篇

4月27日係我醫院一位同事小 Mor 豬既大喜日子，由於「她」與「他」都係基督徒關係，所以當日佢地選擇左係教堂行禮，係上帝同牧師見證下佢地兩個成為夫妻，場面實在令人覺得好感動，尤其係一對新人致謝，新娘強忍淚水向父母謝恩時，台下嘉賓都好感動，我都差d同新娘一齊喊出黎。而新娘今次行禮既所有花仔花女都係邀請自己同事既仔女參與，一共有三對，但係最後一對係臨出場前，因為花女喊過不停出唔到場，所以得番花仔一個出場，但係最好笑既係花仔代替花女既位置拋花，但係係拋完花之後又執番晒所有花落個籃度，讓大家笑個不停，小朋友真係好可愛、唔做作。而行頭位既花女就好有經驗，因為佢已經有幾次做花女既經驗，兼且佢真係越大越靚女。今次雖然唔係第一次參加基督教婚禮，但係去到唱詩等等時依然令我覺得好有共嗚。

左邊果個就係我話好靚女既花女啦！

右邊果個就係拋花又執花行最尾既花仔