死期到

今日已經係年廿九，而我初七就要考埋最後一科 writing，可惜由返完溫習堂開始到依家我都未溫過書，就連 MC 都未寫返落本簿度，唉！我真係太懶啦！完全提唔起勁去溫書，唔該搵人幫我賣下懶先。不過 OU 又真係好鬼衰，連續三年都係正過新年既時候黎考試，點解唔可以係之前或之後考呢？新年實有好多野要做嘛！仲要同你係度溫書考試邊度有心情喎。

醫院就仲衰，突然之間話全院要齊齊換証件，甚麼一証兩用都唔繄要，最慘係要用藍色做背景，人地全部相都係粉紅色，搞到要再影過一輯証件相。要人影相都要俾時間人先得，話要係 11 號之前交相，通知得咁鬼遲又要係度催促我地。交得咁急咪諗住今日放工去樓下間相舖影博佢聽日有得拎相返去，點知嚇然發現原來樓下間相舖已經執左！點解會咁架 ?!幾時執架 ??唉！惟有聽日早d出門口去太子影完先返工

吳姑娘今日又突然殺到黎病房搵我，跟住就問我幾時交返 PDA 俾佢，我咪答佢唔係自己直接交去 OU，佢聽完之後即刻鬧鬼我仲話我地無聽佢講野，又話我地講完又唔記得佢講咩，下！你幾時有講呀？仲話要 11 號前交番俾佢，又係 11 號！好邪呀！仲要我話埋俾其他同學知，見一個講一個，又係咁樣！跟住放工又要周圍搵d同學同佢地講要交 PDA ，佢地都話吳姑娘無講過要交，又係咁，自己唔記得但係就大番我地。係人都知你無記性啦！約左人考試又唔記得，我都係其中一個受害者，不過硬係有理由俾佢拗番直反咬我一啖，好無奈！好心你就自己交大更俾每個病房啦！我唔係個個同學都會見到架