浸記週年聚餐

今日下就參加完荔景大樓既聖誕聯歡後，繄接就輪到自己醫院既 annual dinner ，由於今年請左好多新同事既關係，往年係美麗華舉行既場地已經容納唔到我地咁多人，所以今年就移師場地至黃埔漁人碼頭既海逸皇宮大酒樓度舉行，我地七點多左右就去到場地，首先係入場前先抽可以到 $100 定 $200 既百佳禮卷，因為我呢六星期都唔係浸記既關係，所以我張飛由我同事代我保管亦順理成章由佢幫我代抽，雖然只係抽得 $100，都算幾好！而獎就自己瓜分左每人一樣。

入場後由於尚未開席既關係，我地於是周圍影相，而且成五個禮拜多無見我D同事，又講下我係HA既所見所聞，到八點左右就開始唱詩同祈禱，之後就由我地醫院董事致辭並宣布好消息，就係決定今年發放一個月雙糧，我聽完之後簡直係悲喜交集，喜係因為有額外既收入，悲係我呢半年都係出繄學生人工，個心難免感到唔抵啦！

講完一輪廢話之後就有幾隊人上台比賽，而今年既主題係迎接08北京奧運，所以有唔小人自行組隊用一分鐘時間表演一D奧運會舉行既比賽，但係作為台下既觀，我真係好想問下你地有無理過我地既感受呢？完全唔知你地係度做繄乜，睇到我一頭霧水，最搞笑係有人表演一D都唔魔術既魔術，乜奧運有魔術呢項運動咩？簡直係耐人尋味。最後由最似樣既X光勝出，贏得$1000現金獎

表演項目方面有年年都會上台唱歌既姑娘獻唱，但係年年都係佢好悶bor。另外亦邀請左安德尊同盧敏兒都場為我地表演，不過都係唱D舊歌咁啦！

比賽方面仲有隊制形式分別以自行編排表演項目，問答題同味分高下試出食物，經過一番龍爭虎鬥之下由手術室獲得冠軍，有$6000現金獎，其餘三隊都分別有$4000、$2000同$1000

最後到我地最期待既大抽獎，由第20獎開始抽，一黎就係32吋LCD電視.........無我份，跟住就係幾份$5000現金獎..........又無我份，然後就係幾份$6000現金獎...........仲未有，再黎一份$10000現金獎..........都係無，$10000百老匯禮卷...........仍然無，$10000周生生現金卷...........無，雙人八天南非機票連食宿...........無，開始放棄，最後兩份$20000現全獎............第一份無，第二份預備走人既時候，竟然係自己病房中獎，雖然都唔係我，但係有自己ward既人中大獎已經好開心，希望佢可以為我地帶黎好運抽到其他細獎，因為有D細獎都兩、三千既現金，不過就要遲D先知。大約11:20pm散席