2008 台北之旅 ~ Day 2 (二)

九份咁多野食，先食呢間旅遊書都介紹過既「魚丸伯仔」

都好平喎，唔試真係對唔住自己啦!

2碗魚丸湯加1碗冬粉 (冬粉即粉絲)。真係唔錯，加左胡椒粉仲正，碗冬粉真係好夠味

排晒隊既「阿蘭草仔粿」，有咸有甜，好似茶粿咁

我買左個甜既食 (紅豆味)，個皮ok，好有口感，d紅豆就普普通通無特別，食完唔會加碼囉

去到九份，呢間又係必試既牛肉麵店，藥膳湯底，好香濃既味道，行過真係流口水呢

「黃大仙」叫我今年唔好食牛，所以我叫左碗牛肉湯底既麵 (破左戒...)

男友既牛肉麵

好，到食甜品既時間喇，見好多人食呢間「賴阿婆芋圓」喎，就試呢間...

買左碗紅豆味，噢......實到太 plain同太少料，味就一般啦，唔同色既芋圓係唔同味既，淨食芋圓都ok既