Passion

唔知點解我做緊呢份工硬係唔覺得好鐘意... 係因為公司的問題, 定係自己的問題呢? 好似我個co-trainee 咁, 佢會為自己做的事唔獲得認同就大發脾氣, 我呢, 冇人理我好似... 有少少灰啦, 但係又唔會話好唔開心個隻囉.

呢排可能我真係好得閒, 上網成日睇d有關酒店管理的學校課程.  本來我真係好想去瑞士讀, 但係自從我男朋友的瑞士夢都幻滅埋, 我就覺得自己都冇行.  實在係太貴.  所以我就再搵吓啦.  原來法國藍帶學院响adelaide 有分校, 仲可以讀master's degree.  但係一睇, 都係要成hk$200k - hk$300k. 我邊度有咁多錢吖.有一個online course, 讀gastronomy, 好深呀呢個字, 原來係解"the art and science of eating and drinking". 咁無可否認,飲食都唔係只係為一個飽字o既.  呢科都幾啱我, 我諗... 可惜吖, 我又去邊度搵幾萬蚊讀個咁o既online course 吖...

真係好想好想做酒管... 唔知點解, 我只係會對飲食,宴會,旅遊呢d咁紫醉金迷o既嘢先有passion.  我知我應該係入錯行. 但係要我走咩, 我又冇錢, 而且又放唔低(relatively)高薪厚職...

我明白好多嘢係事在人為.  但係有冇人會信我真係想咁做呢????