上海之旅

今個聖誕節, 都係去咗旅行. 我同肥仔林一有假就鐘意周圍去, 因為香港好逼!

今次揀去上海, 因為平, 哈哈, 大陸都冇聖誕假放, 但係普遍都會有聖誕CELEBRATION, 尤其係上海, 因為歷史O既原故, 所以呢度好多CHRISTMAS DECORATIONS 同埋大特賣!

上咗嚟幾日, 食嘢破哂戒, 好彩返到嚟, 都未見重咗, 如果唔係就慘...

得閒咗幾日, 响上面都冇咩特別嘢玩, 真係觀光O既就只係行咗城隍廟呀咁, 行街就多, 見識咗上海O既恆隆商場, 勁名牌, 冇錢買. 食咗米芝蓮三星O既聖誕大餐, 好好味, 個VIEW仲超靚.  可惜嗰晚肥仔林飲醉咗,我要照顧佢之餘,仲冇覺好瞓....

响呢度想SHARE一件事, 因為我都決定唔到我應該第一個話俾邊個知, 所以除咗麥兜之外, 我就想响呢度講:

肥仔林同咗我求婚呀~~~~~~~~~~~!!!

事發時, 係我地第一晚去到酒店, 上海的RITZ CARLTON, 入到房, 當然係四處參觀一吓, 見到個梳妝枱上面有一束花, 因為呢束花唔大, 而且有D似响個花樽入面, 我就話: "咦, 點解間房會有花O既?" 當時我摸一摸D花, 係真架喎, 我仲想話: 吓, 呢間酒店用真花做DECORATIONS 架.... 點知肥仔林就話喇: "係囉, 點解會有花O既??" 然後佢就打開佢個背囊, 攞咗一個TIFFANY & CO. O既禮物盒, 再打開, 有一個黑色O既盒仔, 再打開, 一隻鑽介.......

當時我見到佢個TIFFANY 盒, 我個心就好似停咗咁, 好緊張,我只係識得講: "你做咩呀?" (諗返都覺得好白痴!!)

然後肥仔林就一手攞起束花,一手攞住介指, 跪响度响我求婚. 我D睇淚係咁流, 唔知點解會咁開心......

 我戴上咗隻介指, 成晚都唔想除, 望住佢只識傻笑.  HEHE.... 肥仔林話响大陸財不可以露眼, 所以之後幾日都冇戴住.

返到香港, 都冇戴住, 點解?? 因為佢仲未同佢爸爸媽媽, 同我爸爸媽媽講囉!!!

(PS: 束花, 非常可惜, 因為臨走時見到花上面有一對蟲, 所以冇攞走.....!!)

(PPS: 唔知邊個會係第一個朋友睇到呢個BLOG呢? 所以睇到之後留個言或SEND 個MESSAGE 俾我啦~!!)