狗仔學習方式

狗仔學野ge模式係直線思考

即係先發生a 才會有b…..

所以教佢地野，都係先叫指令，教佢做，做完就贊佢同獎勵佢

當然對狗仔最好ge獎勵莫過於比d食物佢啦

其實而家王子每日有2次學習機會，

一放工返到去我或者爸爸會比佢玩一陣，

跟住就開始教佢野，呢個時間我地會比幾粒狗仔曼頭或狗糧佢，

一路學就一路食~~時間唔會太長

因為怕佢食得太多，第日肥左就好難減，

由於不能給予太多額外的食物，每次訓練都唔會多過10分鐘

於時我地就會利用埋晚餐時間教佢~

每次都係佢ge晚餐抽少少狗糧黎教佢~~

一般d書建議每次訓練時間都唔好超過30分鐘，

(也許驚狗仔會累吧)

我地2次訓練加埋都唔夠30分鐘呢~~

由於晚餐我地會俾佢食左少少先，加埋有「下午茶」

佢其實唔會餓親ge

只係佢太心急先會吠爸爸

不過呢，千期唔好見佢吠就即刻比佢，

咁會寵壞佢ga，日後就會以為吠幾聲，我地就聽曬佢話

如果有興趣了解狗仔ge事情可以介紹大家睇一本書︰

《100個不可不知的狗問題》

還有一本我相信養貴婦狗ge人士都一定有聽聞過ge︰

《玩具貴婦狗全攻略》

此系列仲有其他狗種的介紹

養狗bb真係唔可以心軟、要有耐性

但又要切記唔可以過份嚴苛，

對狗仔要有合理ge要求~~咁先可以建立一個好好的人狗關係

如果唔係，你的寵愛會令狗仔自尊自大，

以為主人係佢地ge侍從ga喇

所以一定要係呢個學習期教識佢守規矩~

唔係大左就好難教GA喇~~