沙巴之旅 2009 - 釣魚篇

晨咁早六點幾就要起身, 因為七點要去到碼頭集合!!

之前都有試過跟EDMUND出海釣魚, 不過唔係深海, 只係玩玩下果隻... 今次就認真好多, 除咗我上得船既都係高手!!

雖然今次係即日來回, 不過都係要準備好多野, 食物&飲品當然唔小得, 仲有好重要既釣魚工具&魚餌... 當中有六個蘋果&橙係我買架, 拎到我手都斷~

原來除咗我同EDMUND全部人都係會暈船浪, 出深海既船程成個幾鐘, 我哋兩條友就好ENJOY, 其他人唔係入船倉瞓就坐係度發呆... 最搞笑係揸船果兩個暈船浪, 其實真係唔明點解會係咁??

唔係講笑... 我哋真係去到茫茫大海中既其中一點, 周圍咩都無, 真係叫天不應叫地不聞...

船停咗就開始釣魚啦!! 唔知點解今日既無咩魚上釣, 但係個儀器明明SHOW有魚架~釣咗一陣都無收穫, 唯有轉個位置啦~

其實隻船一停咗就好搖, 因為真係幾大浪... 好彩我醒目前一日買定朱古力上船食, 唔係我都會暈埋一份... 朱古力真係我既仙丹!!

介紹個高手大家識... EDMUND!!

就係用呢個野去CHECK有無魚, 綠色就係代表魚~

再教大家一招... 釣石頭既指定動作!!

轉咗地方真係好D, 高手EDMUND有魚上釣啦... 一條奇怪而食得既魚~

魚身係生滿倒刺, 呢個魚唔似魚, 蝦唔似蝦既生物... 聽講係好好食架!! 不過由於呢條太細無肉食, 俾佢哋掉返落海~

之後又轉場... 高手EDMUND又有魚上釣啦!! 今次佢用盡九牛二虎之力都拉唔到條魚上嚟, 其他人都忍唔住叫"MS, QUICK QUICK QUICK!!"... 雙方爭鬥咗廿幾分鐘... 條魚終於上咗水面啦... 其他人即刻用鈎拉條魚上嚟... 嘩!! 超大條呀!!

大魚一定要即時放血, 唔係就會有好臭既魚腥味~

之後又再釣到小石斑~

由於都係得EDMUND釣到魚, 所以又再轉場... 又有魚上釣 - 紅衫魚(好似係)~

再轉場... 其他人開始有收穫啦!!

有個人不得不提... 佢今次去釣魚既主要任務係"瞓覺", 瞓住去瞓住返, 而呢條BB魚就係佢中間起身釣一釣既收穫啦~

今次既釣魚真係收穫麻麻... 平時佢哋出一出去會有好多魚返, 成個過程都會好忙, 邊有可能瞓覺架?? 重點係我未釣過呀!!!

EDMUND返屋企換件衫之後就去酒店JOIN我哋三個食DINNER, 又係新地方... 食蝦麵~ 個湯底好似龍蝦湯咁, 其實好好味, 不過我就無咩胃口, 個人仲係飄下飄下...

食飽就返酒店休息, 正當我想上網既時候發現上唔到... 唔係掛?? 打電話去COMPLAIN, 酒店話要等第日IT MANAGER返工搞... 咁唯有打下機啦~ 成晚仲要俾個BELL BOY搞住哂... 係咁叫我JOIN TOUR...