My 5th Sabah Trip

剛剛完成我人生第五次既沙巴之旅... 四年去五次~

真係奇怪, 我點會去同一個地方咁多次既呢?? 都係AIRASIA既錯, 出D機票咁平... 唔嚴麻煩&辛苦既我, 係澳門出發今次只需HK$500就有一張來回亞庇既機票...

不過下次都係唔好慳果小小的士錢, 由金光飛航碼頭去機場其實好近, BUT對於成喼行李+兩個大袋+烈日當空既情況下, 上上落落咁去到機場, 我成個人好似跳咗落水咁~

今次一行五人... 好開心!! 因為我一直都好想一班人去旅行... 不過團友確實好重要, 坦白講, 今次同我想既係有一段距離... 我搞活動真係好小會有想放棄既感覺, 希望下一次有機會再做好D啦~

不過, 今次沙巴之旅都有好多前所未有既突破...

• 未出發, 先頭痛... 我變身成無薪領隊!!!! (我個牌明明過咗期...)
• TRANSFORMER喼報銷... 係我既100%新喼, 今次真係變型啦!!!
• 行李嚴重照重... 去既時候放低成喼野, 又買返成喼野返香港!!!
• 落雨... 搞亂哂D行程呀!!!!
• 食食食... 去咁多次沙巴, 從未食到咁多好食既野!!! (好彩無肥到~)
• 飲飲飲... 晚晚都飲到不醒人士!!! (飲到出血...)
• 豪嘆之夜... 同KIKI兩條友BOOK咗晚GAYANA RESORT梳乎下, 真係好正&好貴!!!
• 嚇餐死... 被欺騙既情況下去咗睇"死神來了4", 香港原來未上畫, 3D版仲要係III級!!!
• SAFE DIVING... 今次潛水完全無受傷呀, 只係右腳俾隻FINS整紅咗小小, 仲成功潛落水底!!!
• 貼身伴遊... EDMUND從未試過WHOLE PERIOD放假陪玩!!!
• 自創玩意... 用骰盅打麻雀, 最多係11粒!!!
• 睇日落... 成班人認認真真係海灘睇日落!!! (下次要睇日出~)