諸事不順...

終於都叫做平平安安過咗年, 我都係時候要寫一寫BLOG啦~

隔咗咁耐都唔寫唔係因為唔想寫, 而係想遲D寫, 因為唔想影響其他人既心情...

首先講下好野先... 自上個月本公主已經正式搞小生意, 係YAHOO BID開檔, 賣一D出名既護膚品, 有時又會賣首飾, 又有D搞鬼玩意, 有時又入D手袋賣... 短短個幾月已經有萬幾蚊生意額, 五十幾個客仔... 搞到我日日都好忙, 唔係忙覆E-MAIL就係交收, 又要成日補貨&搵新貨, 有時連交收都要搵細佬幫手, 不過我自己好ENJOY... 都好滿意個成績!!

為咗想同其他賣家唔同&比佢哋有新意, 今個月我SET咗個MEMBER CLUB... DESIGN咗唔同既OFFER俾曾經買過我野既客仔... 希望呢個IDEA會WORK啦~
http://hk.myblog.yahoo.com/lowb-princess

好野講完, 就到一連串既"諸事不順"系列... 我真係覺得牛年既新年好唔利我!!

年廿六... 公司出BONUS既日子, 所有同事CHECK完自己個BANK A/C都唔滿意, 因為比上年少咗好多倍... 不過我就想學佢哋唔滿意下都唔得, 因為我無份!! 七個同事得我一個無BONUS, 連遲我幾日返工既都有... 完全唔知點降, 我MANAGER都唔敢問GM... 自問由五月入職到而家都無做錯過事, 亦都有幫手做一D唔係職責要做既野... 仲幫公司每個月慳咗四萬幾蚊既開支... 我知而家市道唔好, 我唔係要你出好多俾我, 但點可能連一份"肯定"都唔俾我??

年廿八... 一個我完全唔想接受&面對既消息, 媽咪同我講叔叔唔舒服去咗醫院CHECK, 結果係有末期肝癌, 得返三個月命... 唔係掛, 新年流流搞D咁既野... 我完全唔識面對, 亦都唔敢想像阿爺阿"女麻"知道咗會點...

年三十... 全個黃家去大姑姐食團年飯, 感覺唔知點咁... 兩老都未知叔叔件事, 全家決定唔到最後一刻都唔講!! 今次亦都好特別咁影全家幅... 不過走時大姑姐送我哋落街, 佢話兩老好似知屋企有事咁, 姑姐講講下就喊... SHIT!! 我忍咗好耐既眼淚都湧出嚟... 我喊咗成晚... 下年都唔知仲有無機會齊人食團年飯...

年初七... 要去細姑姐屋企食飯, 由於我要返工所以無去~ 爹D媽咪去到既時候打電話俾我, 阿"女麻"係屋企臨出門口既時候係廁所跌倒, 伯伯同佢量血壓既時候高到爆哂燈... 即刻CALL白車送佢去醫院...

好彩唔係大件事, 只係流感, 好驚佢再中風... 不過就要留院觀察幾日... 果晚醫院好FULL無床位, 阿"女麻"要瞓走廊... 媽咪話阿"女麻"心情好差, 唔肯講野!! 原來自佢上一次中風之後, 兩老成日嗌交, 阿爺仲成日叫佢走&叫佢去死...

伯伯細姑姐佢哋諗住今次之後送佢入老人院... 成班人都食咗屎, 點可以入老人院架?? 老人家入到去就會好無意志, 好快就會死架啦... 呢班人真係SHORT咗, 咁對自己阿媽, 第時佢D仔女都會咁對佢呀!! 如果最後佢哋真係決定要入老人院, 我會接阿"女麻"返嚟, 係而家住果屋苑供一個單位, 再請個工人照顧佢... 最多自己辛苦D, 都唔可以俾呢個情況發生... 我要阿"女麻"見到我結婚生仔!! 我相信爹D媽咪都會SUPPORT我!!!!!!!