我介意...

由細到大我都好介意身邊既朋友忽略我... 忽略既意思, 唔係唔將自己放係第一位, 而係將我放係最尾果位~

一路以黎我都好努力去改善自己諗法 - 識多D朋友, 主動自己搞活動, 努力幫人, 多D為人設想......

不過, 今次我真係忍無可忍...

我無男朋友, 好多時都好想問下人意見... 尤其係我做業主咁大件事, NO HELP!!

我攞咗鎖匙咁耐, FACEBOOK/MSN/SMS半個MESSAGE都無!!

MSN永遠都唔會有主動HI我架!! (係私事上)

每一次食飯都係我主動約, 約完CANCEL咗之後就無人再約返, 完全無咗件事!!

十幾日唔洗返工, 一個電話, 一個約會, 甚至一個關心都無!!

我知道個個都好忙, 係我自己一個無野做... 不過我相信一個簡單既問候唔會好浪費時間啫... 我都有FACEBOOK, 可以留MESSAGE俾人都可以留俾我!!

"你不要認為我不要求，你就忽略我；你不要認為我不喊痛，我就沒有感覺！"

我唔介意係我好忙既時候, 都去幫/關心身邊既人... 但係我真係好介意有一種被遺忘既感覺!!

雖然有好多好多朋友都好關心我, 不過每一個朋友係我心目中都有唔同既位置, 無一個朋友可以取代另一個朋友!!

所以我決定, 我再唔會主動去搵佢哋, 有咩事都唔會親自通知... 因為十幾年既友誼, 都不如幾個月/年既新歡!!