沙巴之旅 2009 - ISLAND篇

今次又可以同SUM & SAM一齊去玩啦!! 去返我第一次去沙巴既時候去既一個沙灘, 一個有開心回憶既沙灘~

今次去ISLAND有小小唔同, 係SHANGRI-LA既碼頭仔出發... 原來係平好多~

天氣好好... 非常適合SWIMMING, 可惜我遲咗起身趕住出門口, 唔記得帶泳鏡呀!!

真係灰咗... 無理由買過副, EDMUND又無辦法可以借到... 點算呀??

SUM個膽真係好大, 唔危險既野唔玩~

今日既名係爛賭EDMUND, 掛坐去輸錢唔理我哋... 搞到我哋玩得好唔方便!!

最後我就用咗玩浮潛副鏡游水... 其實好唔慣帶咁大副野游水, 仲要包住個鼻, 好奇怪!! 不過好過無得游啦~

點幾鐘我哋就走啦... 去食海南雞飯... 每次去沙巴都要食~

爛賭鬼呢日要接機, 食完飯我哋就返酒店HEA下先... 佢做完野就接我哋去JOIN CONNIE食DINNER~

有時真係唔發火唔得, 今日都係上唔到網... 打電話去FRONT DESK問, 原來我住果層既SIGNAL唔好, 所有如果我要上網就要ROOM CHANGE... 大佬, 所有行理我都UNPACK哂, 加上住多兩晚我就走人, 真係唔想PACK完UNPACK再PACK返...

呢個STAFF真係唔掂, 竟然賴TRAVEL AGENT幫我BOOK房既時候無REQUEST上網... 唔係掛, 你個WEB係寫明包我先BOOK你, 而家你就賴人, 明知間房有問題都比我CHECK-IN, 仲要間TRAVEL AGENT就係爛賭鬼做果間, 其中一個老闆我都識... 食咗屎!!

最後係我堅持唔ROOM CHANGE & REFUND既情況下終於上到網, 不過就要近門口... 好過無啦~

做完野我哋就先去爛賭鬼屋企攞魚, 再去買朱古力, 最後就JOIN CONNIE~ CONNIE次次都有新發現, 今次佢就帶我哋去食平海鮮... 而EDMUND亦將之前釣的石斑魚拎埋去食... 雖然成年無見CONNIE, 不過佢一樣無咩點變~

食完之後我同爛賭鬼要去搵JEFF攞DIVE LOG, 因為我漏咗本簿係屋企唔記得帶, 而CONNIE就車SUM & SAM返酒店先, 因為SAM第日大早機走... 就係咁又飲~

我飲到唔可以再飲啦... 最衰都係個爛賭鬼溝咗D黑啤俾我, 搞到話咁快就上哂腦... 佢兩個合力飲埋我養緊魚杯啤酒就走人!!

唔知點解, 個爛賭鬼竟然轉性俾我揸車... 之前佢一直都誓神劈願唔係唔要架車都唔會俾我揸, 再之前係我學緊車既時候都唔知係邊個話我考到俾我揸... 自考到牌之後兩年我都無揸過車, HIGH HIGH地既我就咁就坐上司機位~

其實我真係唔認得路... 全程都要聲控... 除咗係唔知要轉彎既情況下急轉彎上咗小小行人路外, 其實我都算揸得唔錯... 起碼我行到直線, 燈位識收慢, 識轉線, 仲識俾油~

我相信除咗有呢個爛賭鬼係度之外, 其他時候我都唔夠膽咁玩!!